|
O COMEDOR
É un servizo complementario de carácter educativo. A totalidade do alumnado transportado fai uso deste Servizo. Para a elaboración dos MENÚS tense en conta:
- Proporcionar ó alumno unha dieta equilibrada.
- A calibración dos menús.
- A aplicación de dietas prescritas polos Servizos Médicos do Centro.
- A elaboración de propostas de aportes nutrientes e enerxéticos dos alumnos en función das súas características.
Obxectivos específicos do Servizo de Comedor:
- Desenvolve-los programas de participación do alumnado: Educación para a saúde, coeducación, adquisición de hábitos sociais e tempo libre.
- Face-lo comedor "EDUCATIVO" procurando que coman coa maior autonomía posible segundo as súas limitacións e aprendan tódolos hábitos que poidan.
- Adquiri-los hábitos de hixiene persoal antes e despois de xantar.
- Adquiri-los hábitos dietéticos axeitados.
Fomenta-la colaboración do alumnado en razón do carácter educativo do Servizo de Comedor. |
|
|
 |
O TRANSPORTE
Tódolos alumnos son transportados nos diversos autobuses e taxis programados ó respecto
Cóntase có Servizo de Transporte Adaptado para traslado dun grupo de alumnos.
Os alumnos internos para os seus desprazamentos de fin de semana cóntase cunhas rutas semanais ou quincenais.
|
|
| INTERNADO
Obxectivos:
- Traballar sobre diferentes aspectos referentes á vida diaria.
- Atender ás familias dos alumnos/as internos/as.
- Atender ás familias nas súas problemáticas que presentan cara a estancia dos alumnos/as no Centro.
- Programar e supervisar as diferentes actividades dentro e fora do Centro, diarias e de fin de semana.
- Programacións das Rutas e saídas semanais dos alumnos/as ás súas casas coa colaboración dos profesionais correspondentes.
Actividades:
Céntranse en Actividades Semanais (en horario de 07.30-09.30 e 16.00-22.00) e Actividades de Fin de Semana (xornada completa).
- Actividades Diarias:
- Autonomía persoal do alumno e coidados básicos (alimentación, vestimenta, aseo persoal, desprazamento, etc. ), atendendo ás súas características individuais.
- Actividades Semanais:
- Talleres de: Manualidades, Coiro, Motricidade Grosa.
- Actividades de: Baile, psicomotricidade, expresión corporal.
- Actividades Deportivas.
- Saídas esporádicas e programadas fora do Centro: Cine, Teatro, Exposicións, Partidos Fútbol e Baloncesto, etc.
- Visitas a Centros de interese para os alumnos.
- Sesións de cine no centro
- Outras.... Aniversarios dos alumnos/as.
- Actividades Fin de Semana:
- Participación en excursións, marchas, audicións, visitas culturais, exposicións, zoos, etc.
- Participación con pequenos grupos en saídas a pobos, festas tradicionais, Centros sociais de interese para os rapaces, actividades deportivas,etc.
|
|
|
|
|
