O ALQUERQUE
 
O xogo do Alquerque é un xogo antigo antecesor das Damas. Atopáronse moitos tipos de taboleiros relacionados con este xogo que fan de proba da existencia de moitas variantes do mesmo. As regras que se detallan baséanse en conxecturas feitas a partir dun manuscrito de Alfonso X que data de 1283.
Elementos do xogo.
O taboleiro está formado por por cinco ringleiras de cinco puntos cada unha e que están unidos entre si co fin de indicar os movementos permitidos como podemos ver nos gráficos.
As pezas son doce e se colocan como se ve na figura deixando libre o punto central do taboleiro.
Xogadores: 2.
Obxectivos do xogo.
Capturar ou inmobilizar todas as fichas do/a opoñente
Regras de xogo.
*Sortéase quen fai o primeiro movemento e se move alternativamente cara un punto baleiro.
*Un movemento ordinario faise movendo unha ficha cara a casiña do lado en calquera dirección.
*Cando temos unha ficha do opoñente pegada a unha das nosas podemos capturala pasando por riba dela e ocupando a casiña seguinte, sacando do taboleiro a ficha capturada.
*Se despois de facer unha captura atopamos outra ficha a carón daquela coa que acabamos de de capturar, podemos seguir capturando do mesmo xeito, pero non estamos obrigados a facelo.
*O remate do xogo dáse cando son capturadas todas as pezas do opoñente ou cando este non pode mover ningunha peza.

É normal que moitas partidas que rematen en empate xa que cando quedan poucas pezas, e ambos opoñentes teñen o mesmo número, adóitase pactar táboas.