O ASALTO
 
Este xogo é unha adaptación do da raposa e os gansos e xogouse moito en Francia, Alemaña e Inglaterra no século XIX.
Elementos do xogo.
O taboleiro é o mesmo que o do xogo da raposa e os gansos pero o número de pezas varía xa que agora son vintecatro chamados soldados e dous chamados oficiais.
Xogadores: 2.
Obxectivos do xogo.
Os oficiais deben capturar ós soldados e os soldados deben inmobilizar ós oficiais ou ocupar toda a fortaleza.
Regras de xogo.


*As pezas se deben colocar como na ilustración para comezar o xogo estando os oficiais dentro da fortaleza.

*Cada oficial pode desprazarse en calquera dirección pero os soldados poden ir cara a fortaleza en liña recta ou en diagonal.

*Os oficiais están obrigados a capturar ós soldados, se teñen esa posibilidade, e se non o fan serán retirados do taboleiro.

*A forma de capturar é saltando por riba dun soldado cara unha casiña libre.

*Cando xa non quedan soldados suficientes para ocupar toda a fortaleza gañan os oficiais. No caso de que os oficiais non se podan mover, gañan os soldados e tamén o fan se ocupan toda a fortaleza.