GLORIA SÁNCHEZ GARCÍA
Nada
en Vilagarcía de Arousa no 1958. Como escritora comezou como poetisa e logo unha
morea de relatos curtos. A súa profesión de mestra lle permite achegarse aos
intereses e gustos dos máis pequenos e especializarse na literatura infantil e
xuvenil. Un pulo moi importante, no mundo da literatura galega, foi
cando no ano 1990 recibiu o Premio Merlín por
Fanfarrios.
As publicacións de Gloria Sánchez no mercado editorial abarcan xa un amplo número de títulos, en galego, castelán, éuscaro, en linguaxe braille..., tal e como podemos ir comprobando no apartado de LIBROS. A modo de exemplo Rimas con letras, Bichos con gaseosa, Frangulla, Teatro feroz...
E dentro dos recoñecementos á súa labor temos, ademais do premio mencionado, os seguintes:
Doutor Rus...... merecedor do Premio Edebé no 1994.
Chinto e Tom... conseguiu o Premio Lazarillo no ano 2000.
O grande tronante... escrito en colaboración con Xan López, que conseguiu o premio White Ravens, 2000.
A princesiña Socorro, o trobeiro Carolo e o demo dos cornos escrita en colaboración con Miguel Vázquez ...o Premio Obra de teatro de marionetas o monicreques do 1º Concurso de Obras teatrais inéditas Camiño de Santiago.
Nos artigos e nas escolmas da literatura infantil galega deste século aparece, como non podía ser doutro xeito, Gloria Sánchez.
A súa implicación no mundo da etnografía
galega é coñecido sobre todo no que atinxe a recompilación e divulgación da
tradición oral. Pero o seu compromiso coa cultura non queda aquí senón que se
implica persoalmente en proxectos de difusión e estudo da literatura,
principalmente infantil, todo a cal a leva a formar parte do Consello de
Rredacción da Revista Galega de Literatura Infantil e Xuvenil: FADAMORGANA.
Nesta mesma revista escribe artigos coma:
Aqueles contos non eran ningún conto (Fadamorgana nº 1, abril 1999)
A poesía infantil galega na década dos noventa (Fadamorgana nº 8, primavera 2002)
Ou simplemente falan dela como cando...
Silvia Gaspar lle fai unha entrevista a Gloria Sánchez baixo os títulos: "Deforma-la linguaxe para forma ideas" e "Obra de Gloria Sánchez". (Fadamorgana nº 6, 2001, p.23/28)
Ou o director da revista dí de Gloria Sánchez "Un lazarillo que non sabe de lindeiros marcados". (Fadamorgana nº 6, 2001, p.18/22)
A súa militancia en favor do acceso á Cultura a levan a asinar o Manifesto dos autores en defensa do préstamo nas biblioteca froito das "Xornadas contra o préstamo de pago en bibliotecas" en xuño do 1994.
E estamos seguros que a súa imaxinación nos levará ao través da lectura por mundos e por situacións ata agora descoñecidas da man de persoeiros aínda non imaxinados por ela e que nos esperamos que sexa pronto.
Do que si estamos seguros é de que todos os rapaces e rapazas de E Primaria do noso centro coñecemos e nos deleitamos con parte da obra de Gloria Sánchez, senón mirade un pouco do que a lemos:
1º Curso: RIMAS CON LETRA. Gloria Sánchez.Ed. XERAIS
2º Curso: O GRANDE TRONANTE. Gloria Sánchez . Ed. XERAIS
3º Curso: FAFARRAIOS. Gloria Sánchez. Ed. XERAIS
4º Curso: O CAPITÁN RO E O GATO BO. Gloria Sánchez. Ed. XERAIS
5º Curso: CABECIÑA E PAXAROS E OUTRAS HISTORIAS. Gloria Sánchez. Ed. XERAIS
6º curso MATAPITOS.COM. Gloria Sánchez. Ed. XERAISTEATRO FEROZ. Gloria Sánchez. Ed. GALAXIA.