Campamentos dVerán '06 da Xunta de Galicia e

Intercambio bilaterais con outras comunidades autónomas

Estes campamentos van dirixidos a nenos e nenas dos 9 ós 17 anos.

A participación inclúe o aloxamento e manutención en albergues, residencias ou campamentos xuvenís, o material necesario para cada actividade, o equipo técnico especializado nas actividades que se desenvolverán e no tempo libre, a atención sanitaria e o seguro de accidentes e responsabilidade civil.

A base educacional dos campamentos é o uso do noso idioma, a promoción de hábitos de vida saudable, a participación activa, a equidade de xénero e o respecto polo medio ambiente.

As solicitudes poden presentarse de dous xeitos:

• Por escrito: as solicitudes deberán presentarse no modelo oficial, que se pode obter na oficina e punto de información xuvenil en Santiago na Praza do Matadoiro (981 583 900). Tamén se pode descargar directamente desde a páxina web www.rix.org para logo presentala a través do rexistro. Non serve FAX.

• Telemáticamente: para os posuidores do certificado dixital baixo a norma X.509.V3 expedido pola Fábrica Nacional de Moeda e Timbre, accedendo á páxina http://www.xunta.es/servicios, transferiranse automáticamente os datos da solicitude ao rexistro telemático da Xunta de Galicia.

O prazo para a presentación de solicitudes remata o día 21 de abril de 2006.

Os membros defamilia numerosa teñen un desconto do 50% e os usuarios do carné xove dun 25%

Pódese obter máis información no teléfono xove 902 152 535 e na páxina antes sinalada www.rix.org e no punto de información xuvenil de Santiago na Praza do Matadoiro (981 583 900) onde podes obter o impreso oficial e folleto con todos os campamentos dispoñibles, o prezo, as quendas, a situación, as idades, o prezo...