Vivimos nunha situación de crisis a nivel planetaria, marcada por toda unha serie de graves problemas estreitamente relacionados: contaminación e degradación dos ecosistemas, esgotamento de recursos, crecemento incontrolado da poboación mundial, desequilibrios insostibles, conflitos destrutivos, pérdida da diversidade biolóxica e cultual, etc.
É preciso asumir un compromiso para que a educación preste sistematicamente atención á situación do mundo, co fin de proporcionar unha percepción correta dos problemas e de fomentar atitudes e comportamentos favorables para un desenvolvemento sostible. Trátase, en definitiva, de contribuír a formar cidadáns conscientes da gravidade e do carater global dos problemas e preparados para participar na toma de decisións axeitadas.

A través de actividades coma:
+Horta escolar para: Adquirir coñecementos sobre o entorno máis próximo, desenvolver actividades de respeto hacia o mesmo, potenciar a creatividade e a afectividade frente á Natureza, compaxinar aspetos diversos do coñecemento e posibilitar un enfoque interdisciplinar.
+Posta en marcha de proxectos de aforro de enerxía, de auga, de consumo racional do papel no colexio e posterior traslado á comunidade educativa.
+Deseño de campañas publicitarias a favor da merca de produtos respetuosos co medio ambiente (reciclables, ecolóxicos, etc ...)
+Creación dun equipo de control da sostibilidade no centro, encargado do control dos puntos limpos, utilización axeitada do papel, da enerxía eléctrica e da auga no colexio.

Para levar a cabo este proxecto tan ambicioso contamos coa colaboarción do Concello de Poio e da Fundación Rey-Latorre a través do seu programa VOZ NATURA.

Durante os primeiros trimestres deste curso escolar estivemos deseñando o noso horto escolar e levando a cabo, a través da Ecopanda, un control exhaustivo da utilización dos contenedores de lixo do colexio, asi coma se puxeron carteis pedindo unha utilización racional da enerxía eléctrica, da auga e do papel. Hasta este momento temos:

• A Ecopanda controla semanalmente o estado dos contenedores das dúas plantas do colexio e do estado do patio de esucación infantil e da pista polideportiva.
• Pegada de carteis indicando o apagado das luces cando rematan as clases.
• Pegada de carteis indicando o peche das villas ó rematar de utilizalas para aforrar auga.
• Todas as aulas do centro contan cun lugar para gardar o papel xa utilizado, pero non esgotado, para podelo reutilizar hasta que se esgote o espazo branco.
• Temos preparado o horto escolar para a prantación de diferentes tipos de especies.

 

Para o curso escolar 2016-2017 presentamos un ambicioso proxecto con tres acións previstas:

• continuidade dos traballos desenvolvidos no horto escolar ecolóxico, a través do que pretendemos concienciar a toda a comunidade sobre as cuestións mediambientais.
• fabricación de xabón artesán natural con aceite de oliva virxe 100%
• recuperar unha zona anexa ao colexio; de tal xeito que, despois de limpar concienzudmente a zona, construir un valado de separación do centro e sementar diferentes especies, teñamos unha zona máis de esparcemento para utilizar durante os recreos.

Durante os últimos anos fomos dando diferentes configuracións ao noso horto escolar hasta atopar aquela coa que sentímonos máis cómodos e é máis doado para o alumnado o seu coidado.

Todas as actividades realizadas durante este curso 2016-2017 están neste video. Voz Natura. La Película.

Acabamos de colocar un composteiro no horto. Aqui podedes ver as fotografías.

Estes son os carteis con dúas das acións realizadas neste curso: