A COSTA DE OLEIROS

A  RÍA  DO  BURGO 

A ría do Burgo está situada entre os concellos de Culleredo e A Coruña, pola súa esquerda, e os de Cambre e Oleiros pola súa dereita. Formouse na desembocadura do río Mero. Aí conflúen augas doces e salgadas.

É un dos mellores lugares da zona para observar diferentes grupos de aves acuáticas mariñas: garzas, patos, gaivotas, mazaricos, corvos mariños... e moitas gaivotas patiamarelas. O mellor momento para velas é cando a marea está rematando de subir ou comezando a baixar. Xa que así os grupos de aves están máis concentrados; nin están dispersos por todo o humidal, algo que sucede na baixa mar; nen agochados entre a vexetación como acontece coa preamar. No inverno hai aves migratorias procedentes de países máis fríos.

É unha zona de marisqueo. Recóllense principalmente berberechos, ameixas e minchas. O marisqueo realízase a pé durante a  marea  baixa e dende as chalanas  cando a marea está alta. Forman parte inseparable da paisaxe da ría os mariscadores e as súas lanchas, así como os seus raños e outros aparellos.

Hai contaminación producida polos residuos dos barcos, das industrias e polas augas residuais dos edificios que van a directamente á ría.

Na entrada da ría do Burgo está a praia de Santa Cristina que ten unha forma redondeada moi curiosa.

Formouse coas partículas traídas polo mar (areas, restos de cunchas...) e polo río Mero. O vento foi facendo pequenas dunas, pero hoxe consérvanse poucas debido á intervención das persoas.

A MARIÑA OLEIRENSE

Oleiros é un Concello situado na marxe dereita da ría do Burgo. Limita o norte coa ría de Ares, ao leste cos concellos de Sada e Bergondo, ao sur cos de Cambre e Culleredo e ao Oeste co Concello da Coruña e coa ría do Burgo.

Unha parte importante do Concello de Oleiros é costa, e polo tanto conta con moitas praias fermosas: Santa Cristina, Bastiagueiro, Santa Cruz, Canide, Portelo, Mera, Espiñeiro, Canabal, Naval...

Dende o faro de Mera, Seixo Blanco e a costa de Dexo pódese observar a Illa da Marola e as zonas mais acantiladas e fermosas do seu litoral, e tamén a gran diversidade de aves mariñas que habitan nos seus cantís e a flora propia do litoral.

Outras illas da costa oleirense son Monte Mean, Illa do Corval, Illa do Castelo e a Illa de Sta. Cristina.

Na illa de Sta. Cruz atópase o castelo que nos séculos XVI e XVII formaba parte do sistema defensivo da baia coruñesa; hoxe atópase alí o Centro de Estudios Mediambientais(C.E.I.D.A.).

A pesca mantense como actividade tradicional nos portos de Mera, Dexo e Lorbé, sendo este último o mais importante. Neste porto  tamén se cultiva nas bateas alí situadas o mexillón, que é envasado e comercializado alí mesmo. O marisqueo lévase a cabo na ría do Burgo e no porto de Lorbé.

Algúns anos atrás, dende as praias de Sta. Cristina, Santa Cruz e Mera, establecíase un transporte marítimo que unía estes puntos ca cidade da Coruña.

DEPORTE NA COSTA DE OLEIROS

Son moitas as opcións para practicar deportes náuticos en Oleiros. Ademais de todas as actividades que se poden desenvolver libremente en todas as súas praias, o concello de Oleiros conta nalgunhas con instalacións para uso directo dos veciños e para clubes deportivos e asociacións culturais.

Na praia de Santa Cristina atópase o Club de Regatas de Perillo, que dispón dunha escola de remo nas modalidades de banco fixo e remo olímpico e desenvolve as súas actividades durante todo o ano. Nesta mesma praia ten as súas instalacións a Escola Municipal de Remo, na Fábrica.

Na praia de Bastiagueiro, emprazada baixo o Paseo Marítimo, encóntrase Nauticoleiros, destinada ás actividades de surf, body-board e kaiak de mar. Dispón de vestiarios con duchas e almacén para os traxes, táboas e kaiaks.

Na praia de Mera, o Centro de Actividades Náuticas de Mera é utilizado polo C.D.M. Mariñeiro de Mera.

Alumnos de 5º