Visita ó encoro de Cecebre

O mércores 14 de febreiro visitamo-la Casa das Ciencias de A Coruña.

Saímos ás 9,45 da mañá da escola. No autobús, como é habitual, estaban esperándonos os compañeiros de Herves.

Ó chegar, o primeiro que fixemos foi ver e contar os poliños que estaban nacendo na incubadora, ve-lo péndulo de Foucalt e conta-los paos que estaban tirados (8 paos), curiosar as fotografías que había por alí e, sobre todo, xogar coa máquina da gravitación planetaria (non sabemos para que servía pero era moi divertida).

Despois, xunto con o alumnado dun colexio de Ferrol, fomos ó Planetario, onde nos contaron un conto que falaba dun planeta nos que os seus habitantes o contaminaran todo e xa non podían vivir nel. Gracias a este conto aprendimos os nomes dalgunhas estrelas, dos planetas, das constelacións, ...

Despois iniciamo-lo percorrido polas distintas plantas do museo

Subindo ó parque

 

O péndulo

 

Facendo tormentas

 

As naves espaciais

 

O transbordador espacial

 

Os espellos

 

A reflexión

 

A atrapa-la pelota

 

Vasos comunicantes

 

 

Os poliñós

 

Contando os polos

 

Vimo-los productos que se obteñen do petróleo, as sombras das luces de cores, os vasos comunicantes (sempre está máis cheo o que está máis baixo), as fases da lúa, levantamos sacos con axuda de poleas, vímos a nosa termografía (imaxe da calor do noso corpo), metímonos nun calidoscopio e coñecimos ós nosos xemelgos, xogamos a atrapa-la pelota voladora, ...

Antes de despedirnos do persoal do museo, fomos ve-los poliños, naceran dous máis, e fomos conta-los paos que tirara o péndulo (12 paos).

Xa na escola, estivemos recordando as cousas que máis nos gustaran; sen dúbida, a incubadora cos polos e os ovos e o conto do Planetario.