Visita ó encoro de Cecebre

O luns 8 de maio de 2006 visitamo-lo encoro de Cecebre.

Saímos ás 10 da mañá da escola. No autobús estaban esperándonos os compañeiros de Herves.

Paramos no apeadeiro de Cecebre para recoller a Fran, o noso guía na visita ó encoro.

Arrancamos e fixemos unha primeira parada á beira da presa, para ver un cartel có mapa do encoro e con debuxos das aves que alí hai.

Fran contounos que soltaron cangrexos americanos, que están acabando cós de aquí, xa que teñen moitos fillos. Recoñécense porque os americanos son vermellos e os autóctonos son marróns. Tamén nos dixo que está prohibido bañarse, porque é auga da traída que se consume na bisbarra.

Continuamo-la viaxe  pola beira do encoro, hasta chegar ó fin do traxecto en autobús.

Baixamos e fixemos unha roda para presentarnos e decir o animal ou planta que máis nos gusta.

O primeiro que nos enseñou foi a planta da menta.

Despois paramos ó pé dun carballo e aprendimos que as abespas poñen os ovos nas follas ou nas ramas e a árbore facía un casulo redondo e dentro quedaban os ovos, dos que saen as larvas.

Terceira. A celidonia é unha planta de 4 pétalos marelos, que si se lle corta o talo bota un líquido que cura as verrugas.

Cuarta. A verónica.

Quinta. O chuchamel é unha planta que garda na flor un néctar doce que recollen as abellas.

Chegamos ó observatorio e nos prestaron 9 prismáticos para observa-los alavancos e os gansos que alí había e montouse un telescopio. Algunhas raparigas aproveitaron a parada para facer un ramo de flores ou coller menta.

Observamos unha pata de cangrexo americano.

Continuámo-la marcha e atopamos no chan un niño de laverca con 5 ovos.

Máis adiante vimos un formigueiro enorme.

Fixemos unha parada para xogar e aprender as características dos animais.

Iniciámo-lo regreso ó autobús e paramos a observar un somormujo e un buxato.

Regresamos ó apeadeiro para despedirnos de Fran e comer.

Alí saudamos ó alumnado da EEI Apeadeiro de Cambre.

Facendo as presentacións

Iniciando o percorrido

Coñecendo a menta

Ó pé do carballo

Identificando a celidonia (verrugueira)

Unha verónica

O chuchamel

Observatorio

Repartindo prismáticos

Preparando o telescopio

Observando alavancos

¡Que profesionais!

 

 

Pata de cangrexo americano

Niño de laverca

Formigueiro

¡Enoooormes!

De volta ó autobús

Fame negra

¡Podemos xogar!

Randeeira ou bambán

Mellor que andar polo encoro

Foron felices ...

Esta actividade completámola có visionado e comentario da película O bosque animado, de Dygra Films, baseada na obra de Wenceslao Fernández Flórez e ambientada na fraga de Cecebre, berce do autor.

Tamén buscamos nas Guías da Natureza as distintas especies que vimos durante a visita.

Agora falta elabora-las nosas fichas persoais deses animais e plantas, que completarán esta Web:

  • Alavanco, andoriña, buxato, cangrexo americano, corvo, gaivota chorona, formiga, ganso, laverca, pega.

  • Carballo, celidonia, chuchamel, menta, verónica,