O noso centro está situado no lugar de Esperón, na parroquia de San Martiño de Tabeaio, que ten unha extensión de 4,56 Km e unha poboación de 885 habitantes (datos do Instituto Gallego de Estadística, Padrón do ano 2002), polo que é a máis poboada, despois da capital municipal que está na parroquia de San Esteban de Paleo.

É Carral un concello de 5290 habitantes distribuidos en 8 parroquias: Beira, Cañás, Paleo, Quembre, Sergude, Sumio, Tabeaio e Vigo.

Limita cós concellos de Cambre e Culleredo ó Norte, Ordes ó Sur, Abegondo ó Leste e Cerceda ó Oeste.

Pertence Carral ó Partido Xudicial da Coruña, á comarca das Mariñas e á área metropolitana da Coruña.

AGRADECEMENTOS: 

Concello de Carral, Consellería de Educación e Ordenación Universitaria, Consellería de Medio Ambiente e Fundación Pedro Barrié de la Maza.