Entroido 2008

Este ano 2008 o Entroido foi moi madrugador e celebrámolo o venres 1 de febreiro, en compañía dos amigos do CEIP de Herves, como é tradicional.

O tema deste ano foron as Olimpiadas e tamén a Paz, xa que as dúas celebracións foron moi seguidas. Como é costume, fixéronse os disfraces con material de refugallo.

O disfrace era un saco de lixo de cor branca que na parte dianteira tiña os aros olímpicos e na traseira a palabra PAZ  escrita en chino. Logo cada alumno completouno con composicións libres e variadas, que, en moitos casos, recordaban distintas bandeiras do mundo, principalmente de Europa, sempre empregando as cores da bandeira.

Rematámolo cunha cinta branca na cabeza, coma se fosemos gardiáns da PAZ.

As Olimpiadas deberían ser un tempo de paz, de pausa ou, mellor, de final das guerras.

Os aros entrelazados representan a fraternidade entre os distintos continentes unidos.

As cores representan as distintas razas do mundo.

Este ano, como o pasado, non saímos a desfilar polo pobo, xa que o tempo non era axeitado, polo que compartimos xogos e contos cós amigos de Herves.

Completamo-lo disfrace e a festa, construindo un dragón para Tabeaio e un xaguar para Herves, cos que se fixo un pequeno desfile interior, para recorda-las celebracións chinas.

Un ano máis, rematámola mañá comendo orellas e filloas, convidados polo Concello; este ano estaban boas de verdade, xa que todos papamos unha boa ración.

Entroido 2007

O tema deste ano foron os piratas, que, como é costume, fixeron o seu disfrace con material de refugallo.

A camiseta: bolsa de lixo e plastico adhesivo de cor branca.

O gorro: cartulina.

O parche: maquillaxe.

O gancho: botella de plástico e papel de aluminio.

O catalexe: tubo de cartón do papel de cociña ou aluminio e papel celofán.

O venres pola mañá, marchamos en autobús cara ó CEIP de Herves, onde pasamos a xornada cos nosos amigos. Alí fixemos o catalexe. 

Entroido 2005

Chega o Entroido, Antroido ou Carnaval e hai que pensar de que podemos disfrazarnos.

Xa que todo o país está a celebra-lo IV Centenario da publicación do Quijote, este pode ser un bó disfráz.

Unha pouca de axuda de Internet e un pouco de imaxinación darán como resultado uns cabaleiros que confeccionan as súa armadura e cabalgadura reciclando material.

O Disfráz.

A armadura.

Como soporte da armadura empregamos uns sacos de lixo ós que se lles abren as oportunas aireacións para brazos e cabezas e córtanse á medida dos distintos cabaleiros (palabra que empregaremos con xénero neutro para referirnos ó feminino e ó masculino).

Sobre o soporte poñemos:

•  Un escudo, noble, rexio, feito con papel de cores adhesivo, contorneado de cartón de leite reciclado, sobre o peito.

• Uns hombreiros realizados con cartón de leite.

• Un cinto confeccionado coas pezas sobrantes de recorta-lo saco para darlle a lonxitude axeitada.

O yelmo

• Abrimos dous cartóns de leite ben lavados en sentido lonxitudinal, procurando despega-la unión do cartón.

• Nun deles, debuxamos unha visera protectora, que abrimos con axuda de punzón e tesoiras.

• Finalmente, unimos ámbolos dous cartóns que dan a medida das cabezas dos nosos cabaleiros.

Rocinante.

• Coloreamos e recortamos dúas siluetas simétricas da cabeza da nosa cabalgadura.

• Recollemos as polas saídas da poda das árbores que temos no patio e que foi realizada hai poucos días. Escollemos as máis dereitas e recortamos a medida.

• Protexemos un extremo con moito periódico e sobre el pegamos as siluetas de Rocinante.

As armas

• Como somos moi pacíficos e non queremos violencia, empregaremos unha lanza que non cause feridas graves e que recorde unha festa e non unha liorta. Uns globos longos, dos empregados para facer figuras mediante doblado, unha bomba de aire e moita paciencia preparamos as nosas armas.

Coa axuda do xornal, acercámonos ás figuras de Cervantes, Quijote e Sancho.