Visita ás fragas do Eume

O martes 22 de maio de 2007 visitamo-las fragas do Eume.

Saímos ás 10 da mañá da escola. No autobús estaban esperándonos os compañeiros de Herves.

Paramos no centro de interpertación das fragas para recoller a Nacho, o noso guía na visita.

Alí mesmo vimos uns carteis que explicaban cales eran os habitantes das fragas. Empezamos polos peixes: anguías, troitas e reos. Aprendimos que troitas e reos son irmáns, pero ó nacer a troita queda no río, mentres o reo  vai ó mar, como no mar hai máis comida o reo é máis grande.

Facendo as presentacións

A ave máis importante da fraga é o bufo, pero só hai dous.

Os mamíferos máis grandes son a londra, a marta e o lobo.

Primeiras explicacións

Subimos ó autobús e fomos ata un tramo do río no que hai unha ponte colgante, de ferro e madeira. Cruzámola en pequenos grupos para ir ó outro lado do río. Por ela pasara o lobo e deixara os seus excrementos.

Empeza a aventura
  • Fomos augas abaixo por un carreiro estreito á beira do río. Subimos uns metros pola ladeira e vimos unha corripa.

  • Silencio por favor

A corripa é un almacen de castañas, de forma redonda, feito de pedra. Nel gardábannse ás castañas có ourizo, para que se os animais viñan a comelas se ferisen coas espiñas e as deixasen. Máis tarde, poñíase lume por riba da colleita para que estoupasen os ourizos e soltasen as castañas.

¡Que cómodo!

O certo é que tiña máis emoción subirse ás pedras que escoitar para que servían.

A corripa

No camiño de ida e volta á corripa, Nacho foi facendo un exame de botánica ós pequenos naturalistas, preguntou polas distintas árbores que crecen á beira do río: loureiros, castaños, carballos, ameneiros, etc.

¡Que fresca!

Cruzámo-la ponte de regreso, pero esta vez con máis seguridade.

Acercámonos ó río para toca-la auga e comprobar que estaba fría e salgada, porque ata a presa que hai un pouco máis arriba chega a auga do mar.

Regresamos a pe ata o centro de interpretación da fraga donde aproveitamos para ir ó baño e ver unha exposición fotográfica da fraga. Alí estaba o castelo de Andrade, o mosteiro de Caaveiro, que non puidemos visitar por estar en obras, o bufo, a píntiga, os regos de auga, ...