Magosto 2006

O venres 10 de novembro celebramo-lo magosto. Foi a víspera do patrón da nosa parroquia, San Martiño de Tabeaio. A fin de semana non puido ser máis completa.

Outubro empezou con vento, continuou con auga e rematou, para nos, con moita varicela. Por todo iso, vímonos na obriga de retrasar esta celebración.

Novembro, có verán de San Martiño máis caluroso dos que se recordan, pouco se prestou para asar castañas ou face-la matanza, pero non podiamos remata-lo ano sen celebra-lo Magosto.

Como é costume neste día, os compañeiros de Herves viñeron a Tabeaio, para celebrar xuntos a festa. O día soleado axudou a facer novas amizades.

Un ano máis un pai da nosa comunidade fixo as labores de castañeiro, o que lle agradecemos.

Magosto 2005

Un ano máis damos as gracias ó pai de Sabela que nos fixo o lume e nos asou as castañas, para que nos adicásemos a facer coroas, colgantes, arañas, máscaras e outras manualidades, empregando follas de castaño e de piñeiro, castañas, palillos e lá.

Pásámolo moi ben saboreando os froitos do outono máis populares.

Cando xa estabamos fartos, aproveitamos para xogar a moitas cousas, incluido tisnarnos as caras, xunto cós compañeiros de Herves, que pasaron a xornada connosco.

Magosto 2004

Este ano celebramos a festividade do Magosto mesturado có Halloween.

Aproveitamos para falar do outono, dos seus froitos e dos vellos e bellos costumes da xa case desaparecida sociedade agrícola.

Por mor do tempo meteorolóxico, a celebración do Magosto xuntouse con Santos, Samaín e Halloween.

Ademáis de falar, coloreamos, recortamos papel, fixemos unha cabaza luminosa, cucuruchos de papel, coroas, formigas e arañas con castañas e arame e, por suposto, asamos e comimos castañas.

Un ano máis, contamos coa colaboración dun pai que se encargou de face-lo lume e asa-las castañas. Gracias.