REGULAMENTO DE RÉXIME INTERIOR
O noso centro
é un Colexio de Educación Infantil e Primaria de carácter público, que conta
coas seguintes unidades en funcionamento: Educación Infantil 6 , Educación
Primaria 15. A composición xurídica ( D.O.G. de 27 -06-03) : 6 unidades de
Educación Infantil, 12 de Educación Primaria. Os postos de traballo docente
: 7 de Educación Infantil, 10 de Educación Primaria, 2 de Filoloxía Inglesa,
1 de Filoloxía Francesa, 2 de Educación
Física, 1 de Educación Musical, 1 de Pedagoxía
Terapéutica, 1 de Audición e Linguaxe, 1 Departamento de Orientación.
Réxese pola lexislación básica seguinte, que é a que se axustará o presente
RRI.: LOCE, LOXSE, Regulamento orgánico
das escolas de educación infantil e dos colexios de educación primaria ( Decreto
374/96 de 17 de outubro, D.O.G. de 21-10-96) , Dereitos e deberes do alumnado(
Real Decreto 732/95, de 5 de maio, BOE de 02-06-95), Función pública ( Lei
4/1988 de 26 de maio, D.O.G. 01-06-88) , Elección de órganos de goberno (
Decreto 92/88, de 28 de abril, D.O.G. de 29 de abril. Orde de 21 de outubro
de 96 , D.O.G. de 22-10-96), lei de procedemento administrativo (Lei 30/1.992
de 26 de novembro, BOE de 27-11-92), Avaliación da E.I ( Orde de 5 de maio
de 1.993, D.O.G. de 19-05-93)., Avaliación da E.P. ( Orde de 6 de maio de 1.993, D.O.G de
20 de maio), atención do alumnado de n.e.e( Decreto 320/96 de 26 de xullo,
D.=.G. de 06-08-96, e ordes que o desenvolven). , Orde que desenvolve a orientación
profesional e educativa nos centros educativos de 24 de xullo (DOG do 31),
Orde de 6 de outubro de 1995 que regula as adaptacións ó currículo (DOG do
7 de novembro), Decreto 235/95 de 20
de xullo, D.O.G. de 10-08-95 polo que se regula o ensino de relixión, anticipación
da lingua estranxeira (Orde de 26 de xullo de 2.001, D.=.G. de 14-08-01),
flexibilización do período de escolarización ( Orde de 28 de outubro de 1.996,
D,O,G, de 28-11-96), decretos de establecemento do currículo en E.I. (Decreto
426/99 de 12 de decembro, D.O.G. de 14-01-92) e E.P. ( Decreto 245/92 de 30
de xullo, D.O.G de 14-08-92), ratios (DOG 21-5-92), orde de 31 de outubro
de 1996 pola que se regula a avaliación psicopedagóxica (DOG do 19 de decembro),
orde do 1 de setembro de 1998 pola que se establece o número de unidades (DOG
do 11), regulamentación das exencións de lingua galega ( Decreto 79/94 de 8 de abril, D.O.G.
de 15-04-94), R.D. sobre o transporte(Real Decreto 443/2001, de 27 de abril, BOE de 02-05-01),
Admisión do alumnado( Orde de 16 de marzo de 2.001,D.O.G. de 11-04-01)
O CENTRO
1A)O noso centro escolariza alumnado do segundo ciclo de
Educación Infantil e de Educación Primaria.
1B) As Instalacións coas que actualmente conta son:
Espacios para aulas de infantil e primaria, ximnasio
e vestiarios, biblioteca, aula de informática, laboratorio, aula de música,
aula departamento orientación, aula plástica (cociña), secretaría- dirección,
sala de profesorado, almacén, espacio para A.L., sá de caldeiras, , titorías,
patios, etc.
1C) O mobiliario e material co que se conta no centro estará
inventariado.
1D) Os servicios educativos: o centro conta co servicio
de transporte escolar (6 itinerarios polas mañás e un itineráreo polas tarde
dos luns e xoves, este último pagado pola ANPA.)
No funcionamento dos sevicios educativos debe resaltarse
a carencia de persoal que ten o centro para atender ó alumnado que é usuario
do transporte escolar.Así como de todo o alumnado que chegue ó centro antes
da hora de entrada o daquel que ten que esperar despois da hora de saída.
Tamén se manifesta a carencia de persoal auxiliar para atender
determinadas situacións do alumnado que non dispón de autonomía para uso de
servicios ou para desprazarse.
1E) Hixiene e sanidade: En canto o Centro non dispón de
auga de traída municipal, levarase a cabo a cloración da mesma seguindo as
instruccións da empresa concesionaria do servicio.
O colexio con trinta anos de antigüedade non se axusta á
normativa en vigor no referente a eliminación das barreiras arquitectónicas.
Tampouco no referente ás medidas de seguridade que regulan as aperturas das
portas. Tamén se contempla a necesidade de abrir unha porta de emerxencia
no ximnasio.
1F) Horario xeral do centro.
Durante os meses de setembro e xuño, o horario do
Centro será de 9 1ª 13 horas. Nos meses de outubro a maio, de 9 a 14 .
O profesorado deberá estar no Centro
os martes pola tarde.
A atención á biblioteca polas tardes,
faraa un profesor/a seguindo unha quenda.
ÓRGANOS DE GOBERNO E COORDINACIÓN DOCENTE
Son órganos de goberno do centro:
Órganos colexiados: Consello
Escolar, Claustro de Profesores.
Órganos unipersoais:director, xefe
de estudios e secretario
2.a)Consello escolar
Está regulamentado polas ordes e decretos seguintes que
regulan a súa composición, competencias, normas de funcionamento e xuntanzas:
Decreto 374/1996,
Decreto 92/1988. neste centro estará integrado por : 5 representantes
do profesorado, 5 representantes dos pais/nais dos alumnos, 1 membro do persoal
non docente, 1 representante do concello, o xefe de estudios, o/a director/a
e o/a secretario/a do centro que terá voz e non voto.
·
Comisións dentro do consello escolar: As comisións que o centro cre convenientes
no consello son a económica, a de admisión do alumnado e a de convivencia.
Terán a finalidade de tramitar e prepara-los asuntos da súa competencia para
elevalos ó pleno do consello escolar.
-
Comisión económica coa composición que se indica no Decreto 374/1996, do 17
de outubro -DOG do 21 de outubro- e coas funcións seguintes:
§
Administra-los ingresos que se poidan xerar no centro polo aluguer de instalacións/enseres
ou por outros conceptos
§
Elabora-lo proxecto de orzamento do centro
§
Supervisa-los gastos e equipamento do centro
§
Propo-los gastos precisos para a conservación de equipamento e instalacións
-
Comisión de convivencia coa composición seguinte: 2 representantes da familia,
2 representantes do profesorado, 1 representante do persoal non docente, o/a
director/a e o/a xefe/a de estudios. As súas funcións estarán relacionadas
coa resolución e mediación nos conflictos que poidan xurdir así como a canalización
de iniciativas de tódolos sectores da comunidade educativa para mellora-la
convivencia, o respecto mutuo e a tolerancia no centro.
-
Comisión de admisión do alumnado composta por 1 representante do profesorado,
1 representante das familias, o/a secretario/a e o/a director/a. Esta comisión
reunirase esporadicamente e só no caso de que haxa que decidir sobre a admisión
do alumnado no centro.
-
Comisión encargada de supervisar os programas sobre a gratuidade dos libros
de texto.
As reunións do
consello escolar celebraranse en día e hora que posibilite a asistencia de
tódalas persoas membros. Estas reunións irán precedidas de convocatoria nominal
a cada membro con polo menos 48 horas de antelación con mención da orde do
día e cos documentos a debater se cómpre.
Con carácter extraordinario as reunións
das comisións do consello poderán ser convocadas coa simple comunicación da
xuntanza.
As decisións serán tomadas e dadas válidas
segundo as indicacións da lexislación correspondente ( Lei 30/1.992 de Procedemento
administrativo)
2.b) Claustro de profesorado
As competencias e composición están regulamentadas no Decreto
374/96, DOG do 21 de outubro de 1996)
As reunións preceptivas do claustro serán
as de comezo e final de curso o mesmo que unha por trimestre.
O claustro tamén poderá ser convocado a instancias da dirección
ou dun tercio como mínimo dos membros.
As reunións das convocatorias ordinarias
serán fóra do horario lectivo, as convocatorias extraordinarias poderanse
convocar noutros horarios sempre que se garanta a posibilidade de asistencia
do profesorado.
As convocatorias e as notificacións ateranse á lexislación
vixente (Lei 30/92)
A asistencia ás reunións do claustro será obrigatoria para
todo o profesorado membro.
Así mesmo haberá outras reunións periódicas
do profesorado do centro para debater e/ou informar sobre asuntos de interese
para o normal desenvolvemento das diferentes actividades do centro. Estas
xuntanzas terán lugar tódolos martes e non requirirán de previa convocatoria.
O profesorado ten o dereito e o deber de asistencia ás mesmas.
As persoas que representen ó claustro
no consello escolar darán a coñecer a este as decisións e razóns maioritarias
do claustro sobre os temas da súa competencia, isto, sen embargo, non lles
obriga a supeditarse a esta decisión maioritaria nin a defendela.
2.c) Órganos unipersoais de goberno
Son o equipo directivo do centro.
As persoas que desempeñan a dirección, xefatura de estudios e secretaría rexeranse polo
establecido no decreto 374/96 DOG do 21-10-96 que establece o regulamento
das escolas de educación infantil e dos centros de educación primaria, e pola
orde de 22 de xullo de 97 DOG 2-09-97 pola que se regulan determinados aspectos
de organización e funcionamento das escolas de educación infantil e dos centros
de educación primaria.
2.d) Órganos de coordinación docente
-
Comisión de coordinación pedagóxica. Estará integrada pola persoa que se encarga
da dirección do centro (que actuará de presidente/a) e maila da xefatura de
estudios, as encargadas das coordinacións de ciclo/etapa, o profesorado de
apoio (unha persoa) á atención de alumnado con n.e.e., quen coordine o equipo
de normalización lingüística e a persoa que ostente a xefatura do departamento
de orientación. Esta comisión terá como secretaria a unha persoa designada
polo/a presidente/a. (DOG do 21 de outubro de 1996 e DOG do 27 de abril de
1998).
As competencias desta comisión son as
especificadas no artigo 62 do decreto374/1996
DOG 21 de outubro de 1996
As decisións serán tomadas por maioría.
Reunirase cunha periodicidade
mensual, realizando unha sesión extraordinaria ó comezo de curso e outra ó
finalizar este. Ó comezo de cada curso determinaranse as datas, horario e
as actividades a desenvolver por esta comisión.
-
Equipo de normalización lingüística. Estará integrado por profesorado dos
diferentes ciclos (un de cada ciclo) segundo a orde do 22 de xullo de 1997
(DOG do 2 de setembro) podendo incorporarse outros membros da comunidade escolar
para temas puntuais. As competencias do equipo serán as sinaladas nos artigos
63, 64,65,66,67 e 68 do decreto 374/96
Este equipo contará
cunha persoa coordinadora, as funcións e competencias da mesma serán as sinaladas
no citado artigo 68 do decreto mencionado. Reunirase con periodicidade
mensual realizando unha sesión extraordinaria ó comezo e outra ó final de
curso. Ó comezo de cada curso determinaranse as datas e horario das xuntanzas.
As decisións tomaranse por maioría.
-
Equipo de actividades complementarias e extraescolares. Estará integrado por
unha persoa representante do profesorado, preferentemente con destino definitivo
no centro ( DOG do 21 de outubro de 1996) que actuará como xefe/a coas funcións
que se indican no capítulo cuarto do decreto 374/96 e
pola xefatura de estudios, un profesor ou profesora de E. Física, profesorado
de cada ciclo. O Equipo estará constituído por comisións (laboratorio, informática,
biblioteca, deportes, revista ou anuario, festivais saídas e celebracións),
cada unha das cales contará con profesorado representante de cada ciclo.
Para determinadas
actividades das comisións poderanse incorporar outras persoas pertencentes
á ANPA, ó profesorado ou ó alumnado.
. As competencias dese equipo serán:
1.
Coordina-las actividades extraescolares
e complementarias deseñadas polos diferentes ciclos
2.
Organiza-la utilización da biblioteca,
da aula de informática e do laboratorio
3.
Coordina-la elaboración do anuario
ou revista do centro
4.
Promover e coordina-las actividades
deportivas e os intercambios escolares nos que participe o centro.
5.
Coordina-las actividades xerais
culturais do centro (festivais, celebracións, saídas escolares,...)
.Reunirase
todo o equipo cunha periodicidade trimestral existindo unha xuntanza extraordinaria
a comezo e a final de curso. Ó comezo de cada curso determinaranse as datas
e horario destas xuntanzas. As decisións tomaranse por maioría.
As reunións das comisións realizaranse
en función das súas competencias e necesidades e as persoas membros decidirán
os días e horas de xuntanzas en función do seu horario e das súas horas libres
de docencia.
Para evitar esquecementos sería conveniente
que ó comezo de cada mes a xefe/a de estudios pasase ó profesorado unha táboa
ou calendario coas xuntanzas do período
de alomenos estes tres órganos de coordinación.
-
Departamento de orientación. Estará composto polas coordinadoras ou os coordinadores
de ciclo e da etapa de infantil, o profesorado de P.T. e A.L. e a orientadora
ou orientador que será a xefa ou xefe do departamento (Decreto 120/1998, DOG
de 27 de abril). As competencias do departamento no centro son as que aparecen
recollidas no artigo 6º do devandito decreto. As funcións da xefatura do departamento
de orientación serán as que aparecen descritas no artigo 7º do decreto 120/1998.
O horario da xefa do departamento será elaborado conxuntamente coa Xefatura
de estudios e contemplará: xuntanzas do departamento de orientación do centro,
xuntanzas co departamento do IES, xuntanzas cos equipos de ciclo e co profesorado
de apoio, así como o horario para o desenvolvemento do resto de funcións específicas
da orientadora.
As reunións do departamento de orientación
serán preceptivamente semanais (Circular nº 10/2000) e en horario lectivo(Circular
nº 13/2001) habendo ademais cada trimestre unha reunión de seguimento do plan
de orientación.
Antes do comezo de curso indicarase pola
xefatura de estudios día e hora para tal xuntanza semanal.
A xefa ou xefe do departamento asistirá
á reunión trimestral do departamento de orientación do IES de adscrición en
representación do departamento do centro, en horario lectivo, facilitaráselle
a asistencia a tal xuntanza.
As decisións no departamento tomaranse
por maioría simple.
-
Equipos de ciclo. Haberá 4 equipos de ciclo, un por cada ciclo de primaria
e un para E. Infantil. Composición: Estarán compostos por todo o profesorado
que imparta docencia no ciclo, a principio de cada curso asignarase o profesorado especialista
que formará parte deses equipos en función das horas de docencia que teña
en cada ciclo, contemplándose circunstancias especiais cando así se requira.
Ó fronte de cada equipo de ciclo haberá unha persoa coordinadora, elixida
de acordo co artigo 55 (DOG do 21 de outubro de 1996) e coas funcións especificadas
no artigo 56. As funcións destes equipos serán:
. Formular propostas
ó equipo directivo e ó claustro relativas á elaboración do PEC e da Programación
xeral anual.
. Revisa-lo PEC
e despois de avalialo, facer propostas de modificación.
. Formular propostas
á comisión de coordinación pedagóxica
para a elaboración, avaliación e modificación do PCC
. Realiza-la proposta
xeral de actividades para o curso/trimestre que sexan comúns a todo o ciclo.
Deste xeito o equipo de nivel poderá realiza-la programación xeral contemplando
estas actividades.
. Manter actualizada
a metodoloxía didáctica.
. Poñe-los medios
e introduci-los recursos novos posibles (ordenador, retroproxector, vídeo,...)
. Unificar ó máximo
os criterios acerca de métodos didácticos, terminoloxía empregada, sistema
de avaliación e promoción, co fin de logra-la continuidade de acción durante
todo o período educativo.
. Elabora-la programación
didáctica seguindo as directrices da comisión de coordinación pedagóxica.
Os aspectos que incluirá esta programación son os recollidos no artigo 57
(DOG do 21 de outubro de 1996).
As Xuntanzas dos equipos de ciclo realizaranse
quincenalmente, habendo, de ser precisas, reunións extraordinarias para debater
temas de interese. O horario das xuntanzas será especificado pola xefa de
estudios ó comezo do curso e a asistencia será obrigatoria para tódalas persoas
membro.
-
Equipos de nivel. Estarán compostos polas titoras e titores dun mesmo nivel.
Cando sexa preciso poderase incorporar o profesorado especialista dos grupos
de alumnado correspondente. As funcións destes equipos serán:
1.
Coordina-las actividades a desenvolver
nun determinado nivel e que serán comúns a tódolos grupos de alumnado dese
nivel.
2.
Deseñar actividades complementarias
e extraescolares que se desenvolverán coordinadamente, procurando sempre atopar
fórmulas axeitadas que permitan levar a cabo as devanditas actividades con
tódolos grupos.
3.
Deseñar actividades para desenvolver
adecuadamente o Plan de Acción Titorial no nivel
Xuntanzas:
-
Unha xuntanza semanal en horario lectivo para o que a xefatura de estudios
determinará hora e día que terá como finalidade deseñar e coordina-las actividades
xerais, complementarias e extraescolares a desenvolver en cada nivel
-
Unha xuntanza semanal en horario lectivo de cada equipo coa xefa do departamento
de orientación para o deseño de actividades específicas que faciliten o desenvolvemento
do plan de acción titorial e de orientación. A xefa de estudios promoverá
e facilitará as devanditas reunións e asignará o horario correspondente.
-
Titorías. A designación de titoras e titores regularase pola lexislación correspondente
capítulo V apartado 1 da orde do
22/07/97 DOG do 2 de setembro de 1992) As funcións do profesorado
titor serán as recollidas nos artigos 80 e 81 do decreto 374/96 publicada
no D.O.G. do 21 de outubro do 1996.
-
O profesorado especialista terá as seguintes funcións:
1.
Comunicar ó profesorado titor
as incidencias relevantes de aula e a necesidade, se cómpre, de convocar ás
familias do alumnado, coa finalidade de que a titora ou o titor poidan coordina-las
reunións do profesorado do seu grupo coas nais e/ou pais do alumnado.
2.
Colaborar co profesorado titor
na coordinación da avaliación do alumnado e participar nas sesións de avaliación
trimestrais.
3.
Colaborar coas titorías nas actividades
de lecer, complementarias e extraescolares participando no deseño, organización,
vixilancia, control e avaliación da actividade.
4.
Asistir ás xuntanzas dos equipos
de ciclo dos que forman parte.
|
XUNTANZAS PRESCRIPTIVAS DOS ÓRGANOS DE GOBERNO E COORDINACIÓN NO CEIP VILAVERDE |
|||
|
ÓRGANO |
MEMBROS |
XUNTANZAS |
COMUNICACIÓN |
|
CONSELLO ESCOLAR |
PROFESORADO ELEXIDO. NAIS E PAIS POR ELECCIÓN. PERSOAL NON DOCENTE. REPRESENTANTE CONCELLO. |
TRIMESTRAIS |
CON CONVOCATORIA DE 48 HORAS DE ANTELACIÓN |
|
CLAUSTRO |
TODO O PROFESORADO DO CENTRO. |
TRIMESTRAIS SEMANAIS |
CON CONVOCATORIA MARTES |
|
COMISIÓN DE COORDINACIÓN PEDAGÓXICA |
COORDINADORAS DE CICLO ORIENTADORA XEFA DO EQUIPO DE NORMALIZ.ACIÓN DIRECTOR XEFA DE ESTUDIOS PROFESORADO DE APOIO (1) |
MENSUAL |
CADA MES/TRIMESTRE A XEFA DE ESTUDIOS INDICARÁ
O CALENDARIO DESTAS XUNTANZAS |
|
EQUIPO DE NORMALIZACIÓN |
PROFESORADO DOS DIFERENTES CICLOS/ETAPAS |
MENSUAL |
CADA MES/TRIMESTRE A XEFA DE ESTUDIOS INDICARÁ O CALENDARIO DESTAS XUNTANZAS |
|
EQUIPO DE ACTIVIDADES COMPLEMENTARIAS E EXTRAESCOLARES. |
PROFESORADO DOS DIFERENTES CICLOS/ETAPAS COMISIÓNS |
TRIMESTRAL SEGUNDO AS NECESIDADES DE CADA COMISIÓN |
CADA MES/TRIMESTRE A XEFA DE ESTUDIOS INDICARÁ
O CALENDARIO DESTAS XUNTANZAS |
|
EQUIPOS DE CICLO |
PROFESORADO DO CICLO SESIÓNS DE AVALIACIÓN |
QUINCENAL TRIMESTRAL |
CADA MES/TRIMESTRE A XEFA DE ESTUDIOS INDICARÁ
O CALENDARIO DESTAS XUNTANZAS CALENDARIO ELABORADO EN COORDINACIÓN COA XEFA DE
ESTUDIOS |
|
DEPARTAMENTO DE ORIENTACIÓN |
COORDINADORAS DE CICLO PROFESORADO DE APOIO ORIENTADORA COORDINACIÓN: ORIENTADORA E PROFESORADO DE APOIO |
SEMANAL SEMANAL |
ESTABLECIDO NO HORARIO DE CADA MEMBRO ESTABLECIDO NO HORARIO DE CADA- QUÉN |
|
EQUIPOS DE NIVEL |
COORDINACIÓN ENTRE O PROFESORADO DESENVOLVEMENTO DO PAT (TITORAS/ORIENTADORA) |
SEMANAL SEMANAL |
ESTABLECIDO NO HORARIO DE CADA MEMBRO ESTABLECIDO NO HORARIO DE CADA MEMBRO |
Documentos:
.A documentación xerada polos diferentes
órganos do centro estará en lingua galega e empregará linguaxe non discriminatoria
ou sexista (incluirase o feminino ou empregaranse colectivos inclusores).
-
Persoal docente:
. Dereitos e deberes, contémplanse os
recollidos na orde correspondente (orde
22 de xullo de 1997/DOG do 2-IX- 97, capítulo V), destácanse:
1.
Respectar e actuar de acordo
co PEC e PCC do centro
2.
Asistir ás xuntanzas programadas
no centro
3.
Impartir ensino de calidade e
innovador
4.
Participar nos órganos do centro
5.
Colaborar na boa marcha do centro
e participar nas diferentes actividades deseñadas
6.
Dispor de medios adecuados para
desenvolve-las actividades
7.
Recibir e informar persoalmente
ás familias e ó alumnado sobre o centro e ás evolucións académicas
8.
Contribuír á avaliación e mellora
dos diferentes aspectos escolares.
. Gardas en horario de tarde: Todo o
profesorado do centro participará nas quendas do horario de tarde realizando
as que lle corresponda segundo o horario establecido pola xefatura de estudios.
A función desas gardas será a atención á biblioteca e a representación do
centro durante ese momento. Ante determinados problemas que poidan xurdir,
e en colaboración coas persoas responsables da ANPA, o centro determina establecer
as seguintes pautas de actuación:
* Lesión do alumnado nunha actividade:
Se é leve a lesión daranse os primeiros coidados co material do botiquín do
centro. Se se considera de maior gravidade a lesión avisarase á familia, de
non lograr contactar con ela trasladarase ó alumno ou á alumna en cuestión
a un centro hospitalario próximo ou ben chamarase ó 112. Mentres tanto a persoa
monitora da actividade extraescolar farase cargo do resto do alumnado.
* Falta do profesorado de extraescolares:
Se é posible tratarase de concentrar ó alumnado desa actividade na biblioteca.
* Se se retrasa un autobús: En primeiro
lugar chamar á empresa de autobuses. Se persiste o retraso chamar ás familias
para que recolla ó alumnado. O profesorado de garda permanecerá no centro
ata que as familias os recollan.
* Se algún neno ou algunha nena perde
o autobús, avisar á familia para que o recolla e permanecer na súa compaña
ata que iso suceda.
* Se as familias non recollen ó alumnado
á hora cando é habitual que o recollan, chamar á familia e permanecer no centro
ata que o recollan
* Se habitualmente recollen ó alumnado
tarde ou fóra do horario das actividades, pedirlle ó alumnado que permaneza
na entrada do colexio, nos bancos ata que veñan as familias recollelo.
A Xefatura de estudios recordará ó profesorado
os días de garda ó comezo de semana para evitar esquecementos.
. Recreos: Todo o profesorado do centro
formará parte de grupos para facer quendas de garda, facendo aquelas que lle
correspondan en función dos horarios establecidos pola xefatura de estudios,
quen terá en conta a lexislación sobre número de profesorado necesario en
cada quenda.Cando o tempo permita a saída ó patio, haberá profesorado de garda
na biblioteca e sala de xogos, profesorado para atender aparcamento e baixada
de escaleiras e profesorado no patio. Será o profesorado de cada grupo quen
repartirá os devanditos espacios segundo os criterios que considere oportunos.
Durante os recreos o alumnado poderá
usa-los servicios da planta baixa.
Ó saír a recreo, o profesorado que estea
nas aulas procurará que o alumnado saia ó patio e que non quede ninguén sen
atención do profesorado nas aulas.
Se durante o recreo queda alumnado nas
aulas para facer calquera actividade, deberá quedar coa supervisión dalgunha
mestra ou dalgún mestre.
Cando sexa imposible saír ó patio, non
tocará o timbre, o alumnado permanecerá nas aulas a cargo do profesorado que
estea na aula durante a hora inmediatamente anterior.
. Exclusiva: Todo o profesorado do centro
realizará a exclusiva conxuntamente, mentres o centro teña xornada continuada
esta realizarase os martes a partir das 16:00. Neste tempo desenvolverá as
actividades sinaladas e as xuntanzas e coordinacións previstas.
Nos meses de xuño e setembro este horario
de dedicación pasará a realizarse dende as 13:00h.
A principios de curso facilitarase o
horario coas tarefas a desenvolver durante estes períodos de tempo de exclusiva.
. Asistencia: O profesorado do centro permanecerá
no colexio durante todo o horario lectivo, tanto nas horas de docencia como
nas libres de docencia e de exclusiva. Nos dous últimos casos desenvolverá
as actividades que propoña a xefatura de estudios (apoios, xuntanzas, substitucións,...).
As faltas de asistencia e os cambios esporádicos de sesións entre o profesorado
comunicaranse coa antelación debida á xefatura de estudios ou á dirección.
As faltas de asistencia parciais ou totais serán reflectidas nos correspondentes
partes de incidencia.
. Xuntanzas: a asistencia ás xuntanzas xa comentadas
nun punto anterior será obrigatoria para o profesorado. Así mesmo a asistencia
a xuntanzas coas familias (reunión de principio de curso, comunicación de
excursións, reunións informativas,...) son obrigatorias para o profesorado
do grupo de alumnado a que se refiran.
. Substitucións: O profesorado con horas
libres de docencia fará, cando cumpra, as substitucións que se precisen para
o bo desenvolvemento das actividades do centro. Estas substitucións faranse
de acordo coa distribución horaria realizada pola Xefatura de estudios. Teranse
en conta os seguintes criterios á hora de establecelas:
. Apoios. Os apoios ó alumnado
con n.e.e. faranse seguindo uns criterios. Para o establecemento dos apoios
polo profesorado especialista en PT, AL e profesorado específico de apoio,
teranse en conta os seguintes criterios por orde de prioridade:
1.
Alumnado con necesidades educativas
especiais permanentes (con discapacidade intelectual, con déficit sensorial,
con trastornos motóricos, con trastornos da personalidade,...).
2.
Alumnado con necesidades educativas
especiais transitorias (porvir doutro sistema educativo, pertencer a grupo
desfavorecido, ter estado enfermo un período longo,...).
Nos grupos anteriores a orde
de prioridade establecerase en función das necesidades e potencialidades,
da competencia curricular e da adaptación á clase (determinadas estas pola
avaliación psicopedagóxica).
3.
Alumnado con retraso de aprendizaxe,
sempre que a atención ó grupo anterior o permita, atendendo á seguinte orde:
-
desaxuste dun ciclo ou máis con respecto á clase de referencia
-
priorización dos niveis máis baixos
-
pertenza a un grupo-clase de especial dificultade
¿Como será a organización dos apoios?
A organización dos apoios será aberta,
flexible e suxeita a modificacións ó longo do curso, que permita incorporar
novo alumnado, modifica-la atención indicada,...
O número de sesións de apoio e duración
das mesmas determinarase polo departamento de orientación unha vez establecida
a necesidade. No establecemento dos horarios terase en conta, na medida do
posible, a asistencia do alumnado as áreas das especialidades LOXSE e a coincidencia
da área reeducada co horario de aula.
Cando se requira a intervención de varias
persoas especialistas na reeducación, na medida do posible, tentarase que
asuma esa reeducación unha soa especialista. De non ser factible, a imprescindible
coordinación coa titoría requerirá do establecemento de horarios de coordinación
que permita unha intervención o máis integrada posible.
¿Que ocorrerá cando exista alumnado que
precise reforzo educativo e non poidesen recibir apoio especializado por parte
das persoas especialistas mencionadas?
-
Recibirao por parte do profesorado correspondente á area que precise reeducación
e/ou reforzo, coa axuda técnica do profesorado de PT e Al, maila do departamento
de orientación.
-
Pensarase na posibilidade de medidas organizativas diferenciadas como, por
exemplo, os agrupamentos flexibles, medidas que serán consensuadas polo profesorado
implicado.
¿Onde se farán os apoios?
Como regra xeral os apoios realizaranse
dentro de aula, e como se indica na lexislación, “excepcionalmente fóra de
aula”
As excepcións que se consideran
son:
-
Que a reeducación precise de actividades e/ou recursos que funcionen como
distractores de aula.
-
Que a clase supoña un distractor tan forte na reeducación que a faga imposible.
-
Que o currículo de referencia do alumnado
que requira reeducación sexa distante nun ciclo ou máis do de aula.
-
Que a reeducación que se requira sexa tan específica que o grupo-clase non
saque rendemento dela.
Nestes casos sempre se primará
a integración do alumnado e as características socioafectivas.
O
criterio prioritario sempre será o beneficio do alumnado segundo estudio pertinente
realizado polo departamento de orientación.
Unha vez
determinados os apoios, a súa organización e temporalización, elevarase proposta
á Xefatura de Estudios.
Ademais destes apoios, ocasionalmente
o resto do profesorado, cando estea libre de docencia prestará apoio
ó alumnado que o necesite cando se considere oportuno. A distribución destes
apoios, en caso de ser necesarios, debaterase na Comisión de Coordinación
Pedagóxica. Establecerase a súa necesidade por medio do estudio pertinente
da orientadora e do debate do profesorado implicado na docencia co alumnado.
. Normas de aula: Cada titoría traballará co alumnado do
seu grupo as normas que rexen o funcionamento da clase o mesmo que o profesorado
especialista, tentarase o consenso. Como normal xeral o alumnado non poderá
ser “botado fóra de clase”. De xurdir un conflicto e de forma excepcional
poderase tomar a medida de sacalo do contexto grupo-clase sempre que estea
atendido e non permaneza no corredor. Neste caso haberá de analizarse o problema
coa titoría, comunica-lo caso á xefatura de estudios e comunica-la incidencia
ás familias, así mesmo cubrirase o feito no anecdotario correspondente. Se
o conflicto persiste tomarase medida conxunta entre o profesorado do grupo
e o departamento de orientación, previa análise da situación.
. Normas para viaxes e excursións, saídas, ...
-
O alumnado, que en horario lectivo realice saídas culturais e excursións irá
acompañado do profesorado de nivel correspondente.
-
Cando haxa excursións longas procurarase unha ratio Profesorado/alumnado adecuada
segundo o indicado pola lexislación correspondente. Se no grupo existise alumnado
con n.e.e ou concorresen outras circunstancias que aconsellasen o aumento
de control, incrementaríase o número de mestras e mestres.
-
Tódolas saídas e excursións serán aprobadas previamente polo consello escolar.
Antes da súa realización as familias recibirán unha notificación sobre ela
e asinarán a correspondente autorización, sendo a entrega desta un requisito
indispensable para que o alumnado poida realizar este tipo de actividades.
-
Cando un grupo de alumnado saia de excursión e haxa alumnado que non participe
nela e asista ó centro, a xefatura de estudios arbitrará as medidas de atención
correspondente.
-
O profesorado poderá toma-la decisión de non permitir que algún grupo ou algunha
alumna ou algún alumno non saia de excursión se considera que o seu comportamento
non é o axeitado.
-
Se durante unha excursión ou saída, houbese mal comportamento do alumnado,
o profesorado poderá tomar medidas que vaian dende a comunicación á familia
do alumnado para que o recollan e continua-la excursión co resto, ata, se
os feitos revisten gravidade, suspende-la excursión e regresar ó punto de
orixe.
-
En caso de accidente ou enfermidade dalgún alumno ou dalgunha alumna a primeira
medida será a de presta-la asistencia precisa e comunica-la incidencia ás
familias
-
Nalgúns casos, segundo determine o profesorado, poderán acompañar ó alumnado
determinadas nais e pais que axudarán nas tarefas de vixilancia e control.
-
Durante os festexos celebrados no centro todo o profesorado asumirá as responsabilidades
de control e asistencia, tanto nas aulas como no patio, salón,...
-
Vixilancia de festexos no caso de accidente ou lesión do alumnado:
·
Se actividade se realiza non estando os pais na actividade, tomaranse as mesmas
medidas antes mencionadas.
·
Se actividade se realiza coa presencia dos pais ou persoa a cargo do neno/a,
será responsabilidade destes a súa atención.
No centro respectaranse e fomentaranse as normas básicas
de convivencia no relativo a:
-
Tabaquismo
-
Trato correcto
-
Respecto polas diferencias e trato non discriminatorio en razón de sexo, raza,
relixión,...
-
Puntualidade e asistencia continuada a clase, actividades e xuntanzas. Xustificación
das faltas e comunicación das mesmas ó equipo directivo coa antelación precisa.
-
Traballo coordinado e desenvolvido segundo os documentos de xestión do centro.
-
Compartición de espacios e tempos
-
Conservación de quendas para espacios e aulas de uso común
-
Coidado do material do centro
-
Orde e organización do material nos espacios comúns ó remata-las sesións
-
Respecto polas áreas de aparcamento e aproveitamento do espacio
-
Respecto polo horario e traballo de todo o profesorado
-
Observación dunha saída controlada que inclúa a espera necesaria pola saída
dos autobuses escolares para non entorpece-la maniobrabilidade destes.
-
Prevención de calquera tipo de violencia.
-
Confidencialidade da documentación relativa ó alumnado
En xeral tomarase como referencia
o Real Decreto 732/95 de BOE do 2/06/95 polo que se regulan os dereitos e
deberes dos alumnos e as normas de convivencia nos centros.
Calquera conducta que contraveña estas normas será amoestada
verbalmente ou por escrito polo equipo directivo e pasarán a rexistrarse debidamente
nun parte de incidencias que se xuntará ó expediente). De reiterarse
a falta procederase segundo o esblecido no Real Decreto 732/95 de BOE do 2/06/95
- Persoal non docente.
Dereitos e deberes, contémplanse os recollidos no seu contrato.
Destácanse ademais as seguintes:
1.
Respectar e actuar de acordo
co Proxecto Educativo do Centro.
2.
Dereito a ser “respectado e atendido”
polo alumnado e a “poder reprendelo” en espacios e momentos en que sexa oportuno
para facer cumpri-las normas de convivencia.
Como norma xeral , as persoas que usen as diferentes instalacións
e espacios deberán deixalos ordeados e organizados debidamente para que o
uso do resto dos grupos non se vexa interferido.
A documentación correspondente ó alumnado do seu grupo e
arquivada en determinadas instalacións poderá ser consultada polo profesorado
gardando a debida confidencialidade e deixándoa no seu lugar.
Cando un determinado material se traslade dunhas dependencias
a outras, será responsabilidade do profesorado que o trasladou devolvelo á
súa ubicación de orixe.
Ó remata-la xornada deixaranse as clases ben ordenadas e
as cadeiras sobre as mesas para facilita-la limpeza.
4.a) Os baños: Os baños serán lugares de uso común e polo
tanto ateranse ás normas de funcionamento que os rexen:
-
Normas hixiénicas básicas
-
Respecto polos dereitos do resto
-
Dotación de materiais necesarios e renovación constante do mesmo
-
Limpeza e orde
-
Nas saídas ó baño durante o horario escolar irase acostumando ó alumnado ó
aumento do control e autonomía necesaria en cada idade.
-
Insistirase nas clases sobre o uso adecuado deste espacio e sobre as normas
máis adecuadas de hixiene, saúde, coidado do material,...
-
Evitaranse aglomeracións de persoas nos servicios.
-
O profesorado e o persoal non docente do centro poderá facer intervencións
nestes espacios para facer cumpri-las normas.
4.b) A biblioteca : Para o bo uso deste espacio haberá unha
comisión encargada da mesma formando parte, como xa quedou dito, do equipo
de actividades extraescolares e complementarias. As funcións serán as de:
-
Coordina-lo uso da biblioteca, establecendo, se cómpre, as normas de uso.
-
Arquiva-lo material novo que vaia xurdindo
-
Supervisa-la tarefa do alumnado encargado e axudarlle a desenvolve-las súas
funcións.
-
Facer propostas para merca-lo novo material
-
Coordina-lo uso das bibliotecas de aula e de ciclo cando usen material da
biblioteca de centro ou cando este uso se faga rotativo.
-
Favorece-lo uso dos ordenadores da biblioteca como recursos de consulta e
mantelos actualizados.
-
Potencia-lo uso da biblioteca do centro propoñendo e deseñando actividades.
Ademais das normas de uso que a comisión propoña, serán
normas xerais para alumnado e profesorado:
-
Solicita-lo horario de uso, cubrindo un cadro mensual facilitado pola xefatura
de estudios e que estará situado en lugar visible.
-
Devolver todo o material ó mesmo lugar de onde foi retirado cando se consulte.
-
Cubrir unha ficha de empréstito cando se vaia levar fóra do centro
-
Devolve-lo material en bo estado ou repoñelo se se estragou.
4.c) A aula de informática
Haberá unha comisión encargada da aula, integrada (na medida
do posible, por unha profesora ou profesor de cada ciclo). Esta comisión terá
funcións relativas a:
·
Consensuar unhas normas (relacionadas ó trato do ordenador e periféricos,
á orde e limpeza na aula, á hixiene postural e visual, ó uso de materiais
funxibles e inventariables, á economía,...) e facelas chegar ó profesorado.
·
Facer propostas para mercar material, oído o profesorado.
·
Facer propostas sobre os horarios de xeito que permitan igual acceso a tódolos
grupos.
·
Inventaria-lo material que exista e se vaia incorporando.
·
Informar de xeito xeral sobre o material existente.
A informática
será usada como ferramenta ou recurso nas diferentes áreas e non como unha
área ou contido en si mesmo, polo tanto non debería haber hora de informática.
O profesorado usará deste recurso cando o crea necesario usando se cómpre
metodoloxía lúdica(o ordenador non é un material de xogo, non é un xoguete).
Os contidos a traballar e as actividades a desenvolver serán
deseñadas polo profesorado de cada nivel/área cando faga a súa programación,
buscando cadaquén as axudas(persoais e materiais) que precise.
·
Conviría ir recollendo as actividades desenvolvidas por cada nivel/aula nun
dossier que servise de caderno de recursos e ideas para posteriores usos.
Unha suxerencia é a de facer un ficheiro con fichas por cada tarefa (título
da actividade, obxectivos, tarefas e desenvolvemento, valoración).
A organización
e agrupamento do alumnado na aula tamén o deseñará o profesorado, pensando
na flexibilidade
HORARIOS: Haberá un cadro mensual por sesións e cada profesora/profesor
cubrirá a sesión/as sesións que precise de acordo coas necesidades. Non parece
conveniente a existencia dun horario fixo semanal ó longo do curso. Sen embargo
convirá asegurar que todo o profesorado e o seu grupo poida utiliza-la aula
se o desexa. No caso da educación infantil pénsase que podería establecerse
unha reserva de horario que coincida co horario da profesora de apoio en cada
aula.
·
Cando sexa posible o espacio de aula debería organizarse de xeito que permita
acceso fácil ó material e ó alumnado ante os aparellos, que permita agrupamentos
flexibles e variados e que se poida interactuar co alumnado sen grandes traslados.
·
Haberá que ter en conta a necesidade de evitar que o alumnado poida desprazar
violentamente o material informático nalgún traslado (¡ollo ó cableado) e
que a visión da pantalla sexa o máis idónea posible.
·
Unha vez utilizada, a aula deberá quedar coa mesma disposición e orde que
cando se iniciou a sesión, sendo responsabilidade do profesorado que fai o
uso e do alumnado o mantemento da mesma.
·
Para evita-la sobrecarga con activiades do alumnado, cada nena e cada neno
deberá dispoñer do/s seu/s disquette/s para arquivar.
De cede-lo espacio para actividades extraescolares
(moi lóxico, por outra banda), opínase que se lles debe pedir un compromiso
coas normas básicas de uso e mantemento. Apúntase: graba-lo menos posible
no ordenador, límite de alumnado por hora, asunción dos problemas creados
e resolución dos mesmos, ter presentes os gastos adicionais,...
4.d) Entradas e saídas
Nas entradas e saídas deberase observar puntualidade, tanto
por parte do alumnado como por parte do profesorado e demais membros da comunidade
educativa que preste servicios no centro. Respectarase o horario.
As familias deixarán e recollerán ó alumnado fóra do edificio
escolar, agás nos casos reseñados no apartado relativo ó alumnado .
As faltas reiterativas de puntualidade do alumnado serán
comunicadas por escrito ás familias pola Xefatura de Estudios e deberán ser
debidamente xustificadas documentalmente, as do profesorado computaranse como
faltas de asistencia parcial e procederase como se indica no apartado correspondente.
As familias que recollan o alumnado de infantil deberán
facelo coa puntualidade debida.
A saída e entrada do edificio farase usando a porta e a
escaleira que quede máis directa e non entorpeza o movemento do alumnado doutras
áreas do edificio.
As saídas serán escalonadas e faranse de inmediato á “toca”
do timbre.
O profesorado agardará ó alumnado nas aulas e sairá de último
das mesmas coidando que non quede ninguén.
4.e) O ximnasio
Usarase o calzado adecuado para o bo mantemento das instalacións
e o Alumnado deberá atende-las indicacións do profesorado nas normas que se
estipulen a comezos de curso.
Os horarios de uso do mesmo repartirase equitativamente
para que tódolos grupos teñan acceso a el. Estes horarios serán establecidos
pola Xefatura de estudios.
Cando sexa utilizado en horas non lectivas, quen o use comprometerase
a mantelo nas condicións adecuadas.
4.f) O laboratorio
O horario procurarase equitativo.
Haberá un cadro onde o profesorado anotará as necesidades
de uso.
Cada persoa que faga uso desas instalacións deberá deixalo
todo ordenado e colocado o material no seu lugar.
Haberá unha comisión encargada de poñelo en marcha cada
comezo de curso e será quen propoña a compra de material ou a súa renovación
e as normas.
CLASES DE EDUC. FÍSICA E MÚSICA: O profesorado que imparta
estas especialidades no centro pasarán polas clases recolle-lo alumnado e
ó remata-la clase acompañaraos á aula correspondente.
USO DOS RECURSOS: Segundo a lexislación vixente corresponde
á secretaria ou ó secretario do centro realiza-lo inventario xeral do centro e mantelo actualizado así
como o de custodiar e dispoñe-la
utilización dos medios audiovisuais, material
didáctico, mobiliario ou calquera material inventariable e velar
polo mantemento material do centro en tódolos aspectos, de acordo coas indicacións
da dirección. A conservación, orde e mantemento, non obstante será
corresponsabilidade de todo o profesorado e alumnado do centro.
Para a adquisición do material ó comezo de curso as coordinadoras,
xefas ou xefes de departamento, equipo ou comisión, farán unha proposta inicial
do material máis necesario, facendo un pouco máis avanzado o curso unha segunda
proposta, se cumprise, máis razoada do material necesario para o curso escolar.
ORGANIZACIÓN DOS ESPACIOS DO CENTRO (distribución de aulas-grupo,
aulas de especialidades, criterios de asignación)
Os espacios do centro para os grupos de clase distribuiranse
atendendo a criterios de:
-
nº de alumnado
-
idade do alumnado
-
proximidade no ciclo
-
agrupamento por nivel
-
alumnado con necesidades educativas permanentes que precisen de certas condicións
de accesibilidade á aula
-
rotación de grupos para que un determinado grupo de alumnado non saia sempre
perxudicado na distribución de aulas.
Contemplarase un local de titoría por ciclo para que poidan
gardarse materiais comúns e ter un espacio de reunión e procurarase que exista
aulas específicas (música, inglés,...) na medida que sexa posible. Deberase
tamén procurar espacio para o departamento de orientación, cercano ás titorías
que permita o fácil intercambio e acceso, así como espacios para as tarefas
administrativas do centro.
NORMAS DE USO DOS SERVICIOS DO CENTRO
Transporte:
O equipo directivo comunicará as anomalías ou deficiencias
que se observen ó longo do curso ó estamento correspondente da Delegación
provincial, organismo do cal depende este servicio.
NORMAS RELATIVAS Á DOCUMENTACIÓN DO ALUMNADO, REVISIÓN DE
PROBAS ESCRITAS E RECLAMACIÓNS DE RESULTADOS DE AVALIACIÓN
No centro
educativo hai documentos variados cos que hai que observar certos coidados.
A documentación persoal do alumnado deberá gardarse celosamente evitando racha-la
norma de confidencialidade dos seus datos e informes. O mesmo sucederá coa
información persoal relativa ó profesorado e demais membros da comunidade
escolar.
O profesorado
do centro poderá acceder á documentación do alumnado dos grupos ós que imparta
docencia para consultar datos relevantes e tamén á información académica que
as titorías transmiten ás familias. A documentación será consultada no sitio
onde está arquivada e ó remate da consulta deberá ser devolta ó seu lugar.
As familias
e titoras e titores legais do alumnado teñen dereito a recibir información
sobre a súa evolución académica e a
reclamaren, se cómpre, os resultados da avaliación na Lei Orgánica 1/1990
de ordenación xeral do sistema educativo e na Orde de 22/07/97, DOG do 2/09/97,
para os casos de pais separados ou divorciados aterase á Circular 1/97 de
3 de marzo de 1997 ).O prazo de reclamación non será superior
a unha semana lectiva. Poderanse consultar (polas persoas anteditas) os controis
escritos (se se realizasen), pero non sacalos nin fotocopialos, para o cal
o profesorado correspondente deberá gardar estas probas quince días a partir
do inicio do prazo de reclamación.
6. O ALUMNADO
Dereitos e deberes rexerase polo Real
Decreto de 732/95 BOE do 2/06/95 e polo Capítulo IV, punto 6 da Orde de 22/07/97
DOG 02/09/97
. Normas xerais :
-
O horario do centro será de 9 a 14 h. para o alumnado. Deberá haber puntualidade
tanto á entrada como á saída.
-
O alumnado non poderá saír do recinto escolar sen autorización do profesorado
ou sen comunicación das familias á titoría. O alumnado que con permiso familiar
saia fóra do recinto dentro das horas lectivas, permanecerá nas aulas ata
que o recolla alí a persoa autorizada.
-
No caso de enfermidade ou accidente no centro, a familia do alumnado será
informada, se a familia non fose localizada o profesorado actuará segundo
o seu criterio.
-
Se o alumnado se mollase, fixese pis nas roupas,... avisarase á familia para
que o cambie.
-
Nas festas e festexos no centro, en que participe o alumnado e as familias
poidan asistir, cumprirase o mesmo horario lectivo do centro. Se as familias
quixesen levar ó alumnado con elas antes de remata-lo horario deberá comunica-lo
feito ás titorías.
-
En caso de falta de asistencia ou puntualidade do alumnado a familia ou titoras
e titores legais do alumnado deberán xustificalas debidamente.
-
Durante as actividades extraescolares da tarde o alumnado rexerase pola mesma
normativa que no horario escolar, sendo responsabilidade do profesorado desas
actividades a demanda do seu cumprimento.
-
O alumnado deberá respecta-los diferentes membros da comunidade escolar, non
amosando actitudes discriminatorias ou intolerantes.
-
Respectarase o material do centro e as súas instalacións, así como as normas
sinaladas para o use e disfrute dos mesmos.
-
O alumnado asistirá á clase co material necesario e solicitado polo profesorado
para o desenvolvemento das diferentes actividades do día.
-
Respectar normas básicas para o mantemento da saúde e hixiene no centro (normas
relativas ó tabaquismo, pediculose, alcoholismo, agresividade,...)
-
Participar activamente en actividades de prevención de comportamentos violentos
de calquera índole ou gravidade.
-
Participar nas actividades formativas e especialmente nas orientadas ó desenvolvemento
dos currículos.
-
Segui-las directrices do profesorado respecto á súa educación e aprendizaxe
-
O Consello escolar poderá delegar na dirección do centro a facultade para
impoñe-la corrección de “suspensión do dereito de asistencia ó centro durante
tres días” como medida rápida de corrección dunha conducta grave, inda que
a posteriori se poidan impoñer outras correccións se se cren oportunas.
-
No tema de faltas contrarias á convivencia , o equipo directivo non poderá
inhibirse de actuar.
-
Calquera comportamento inadecuado dentro do recinto escolar debe ter unha
intervención por parte do profesorado. Non haberá actitudes de “deixar facer”.
As cuestións de comportamento deberán tamén abordarse dende o ámbito de aula
por seren susceptibles de aprendizaxe. O profesorado promoverá dende as súas
aulas un sistema de resolución de conflictos baseado no diálogo e non tanto
na punición (a non ser que sexan xa faltas graves) e buscará estratexias (como
as do plan de acollida) que procuren que o alumnado coñeza claramente as normas
de centro e participe na elaboración de normas de aula.
-
As faltas serán xulgadas tendo en conta circunstancias paliativas. Estas circunstancias
poden ser: recoñecemento espontáneo da falta, falta de intencionalidade, idade
do alumnado, dificultades que impidan a comprensión da gravidade do feito
nalgúns casos de alumnado con n.e.e. Haberá gradación das correccións en función
das circunstancias familiares, persoais e sociais que concorran.
-
Consideraranse circunstancias acentuantes dunha falta a premeditación, reiteración,
dano e inxuria causados a alumnado novato ou menor en idade a quen cometa
a falta, actos discriminatorios de calquera tipo. Unha circunstancia acentuante
pode se-la idade do alumnado, a maior idade, maior responsabilidade.
-
As correccións serán sempre de carácter educativo e non significarán dano
para a integridade física e moral do alumnado.Non se imporán correccións que
impidan ó alumnado o dereito a educación, en todo o caso poderanse consensuar
cambios de centro previo expediente.
-
Cando se produzan faltas contrarias á convivencia no centro, estas recolleranse
en anecdotarios por parte do profesorado implicado e porase en coñecemento
da titoría que o rexistrará adecuadamente. As conductas inadecuadas persistentes
e repetitivas serán recollidas nos informes ordinarios de final de ciclo.
-
O centro desenvolverá medidas preventivas que garantan os dereitos do alumnado
e que impida feitos contrarios á convivencia, entre os que poderán os relativos
ó traballo sobre normas a comezos de curso.
-
O colexio considera como posibles correccións
as seguintes: amoestación privada, amoestación por escrito, comparecencia
inmediata perante a xefatura de estudios ou dirección, realización de traballos
específicos en horario non lectivo, realización de tarefas que contribúan
a mellora-lo centro ou repara-lo dano material, suspensión do dereito de participar
en actividades extraescolares e complementarias, suspensión do dereito de
disfruta-los períodos de lecer (recreos) con deseño de tarefa e control por
parte do profesorado que impoña a suspensión, cambio de grupo por prazo longo
ou curto, reposición do material que deterioren, suspensión do dereito de
asistencia durante tres días con realización de tarefas deseñadas pola persoa
titora e o profesorado do grupo, suspensión do dereito de asisitir a
determinadas clases en sesións non superiores a tres con tarefas específicas
( esta decisión tomarase en coordinación con todo o profesorado do grupo maila
Xefatura de estudios e Orientación, será obriga do profesorado desas clases
deseña-las tarefas adecuadas correspondentes), apertura de expediente. O
procedemento de apertura de expediente que se seguirá será o establecido nos
artigos 54, 55, 56 do Capitulo III Sección 2ª do Decreto 732/95.
Poderanse impoñer unha ou varias das
correccións anteditas en función da gravidade da falta.
Considéranse conductas inadecuadas as seguintes:
·
Conductas contrarias ás normas de convivencia do centro (o centro pode engadi-las
que desexe en función do contexto e do PEC),
-
Faltas inxustificadas de puntualidade: Considérase impuntualidade a chegada
reiterada e tarde ó centro despois
de soa-lo sinal de entrada. Neste caso a persoa titora anotará as faltas,
amoestará privadamente ó alumnado e comentarallo á Xefatura de Estudios e
advertirá as familias correspondentes de xeito verbal en primeira instancia
ou cunha nota informal. O feito reflectirase nos documentos avaliativos. De
persisti-la situación comunicarase formalmente cunha misiva oficial por parte
da xefatura de estudios, podéndose tomar medidas para que a impuntualidade
non altere o normal funcionamento da aula e ós dereitos do resto do alumnado
(permanecer nunha dependencia ata a seguinte sesión, peche da entrada a unha
determinada hora,...)
-
Faltas inxustificadas de asistencia: Procederase como no caso anterior en
primeira instancia, de persistir a Xefatura de Estudios remitirá carta formal
e oficial á familia e comunicarase o feito ó organismo correspondente. A inasistencia
continuada a clase pode supoñer a perda do dereito de avaliación continua
se supera un 30%. Por iso, e en caso de enfermidade, se é posible, a familia
recollerá actividades para a casa deseñadas polo profesorado da alumna ou
alumno correspondente coa finalidade de que non haxa perda do ritmo de aprendizaxe
e poida acadar sen dificultades o nivel preciso. Cando se produza a incorporación
verificaranse as necesidades de reforzo por parte do profesorado e deseñaranse
os programas que cumpran. Se a enfermidade se prolongase ata final de curso
e non fose posible este seguimento comprobarase por parte do equipo de nivel
e maila a orientadora a consecución dos obxectivos mínimos e determinarase
ou non a promoción.
-
Non realización das actividades solicitadas de traballo na casa. Amoestarase
verbalmente ó alumnado, Comunicarase o feito á familia cunha nota no caderno,
que a familia deberá asinar.
-
Non trae-lo material adecuado para o desenvolvemento das actividades escolares.
Amoestarase privadamente ó alumnado e pediráselle o cumprimento da norma.
De persistir, comunicación á familia por parte da titoría.
-
Deterioro non grave causado intencionadamente nas dependencias do centro,
no material deste ou nos obxectos e materiais doutros membros da comunidade
educativa. As conductas relacionadas con este apartado son:
. As que atenten contra a propia
saúde e ás do resto do persoal (mala hixiene, mala limpeza persoal,...)
. As que atenten contra a limpeza
do centro: tirar lixo, en lugares indebidos, lanzar xiz, borradores,... lixar
paredes, chan, mobles,...
. As que deterioren material
do centro como portas, cristais, material deportivo, aseos, instrumentos didácticos,...
. As que estraguen material doutros
membros da comunidade: libros, materiais deportivos, prendas de roupa, materiais
e útiles didácticos,...
O profesorado e
persoal non docente amoestará verbalmente ó alumno ou á alumna que cometa
calquera conducta destas, recollerá o feito no anecdotario e comunicará a
falta á titoría ou/e a xefatura de estudios cando cumpra, a familia será informada
do incidente oportunamente pola titoría. Decidirase a sanción que cumpra sen
esquecer que cando sexa factible a sanción consistirá en repo-lo material
deteriorado ou/e repara-lo deterioro causado en horario de recreo co control
por parte do profesorado que a xefatura de estudios ou a dirección designe(limpeza
de mesas e sillas, recolleita de lixo,...).
A reiteración destas faltas será comunicada
á Xefatura de Estudios e á titoría que anotarán e rexistrarán adecuadamente
as incidencias (quedando estas arquivadas) e comunicarán o feito ás familias
por escrito.
- Calquera acto inxustificado que altere levemente
o normal desenvolvemento das actividades de aula ou de centro como as conductas que perturben a atención nas
clases (conversas indebidas, risos, barullos, berros,...), as conductas que
obstaculicen a entrada á clase ou ó centro, a non colaboración nas actividades
de aula, o non entregar libros ou materiais emprestados no seu prazo correspondente,...as
conductas impropias dun centro educativo como a linguaxe groseira e os xestos
e posturas irrespetuosos ou obscenos. O feito reflectirase no anecdotario,
farase amoestación privada e o alumnado implicado realizará tarefas específicas
relacionadas con fichas que comenten e fagan reflexionar sobre as conductas
realizadas, encomendadas e controladas polo profesorado da área en que teña
lugar tal feito. De repetirse a conducta comparecerán ante a xefatura de estudios
e a dirección e comunicarase o feito ás familias. No caso de non respecta-los
prazos de devolución farase amoestación privada, comunicación ás familias
por parte da titoría e o alumnado deberá repoñe-lo material, non podendo levar
máis material emprestado ata que devolva ou restitúa.
·
Conductas gravemente perxudiciais para o centro
Xeralmente, nestes casos as sancións
serán unha amoestación verbal, a petición de rectificación de conducta ante
as persoas presentes no acto, comunicación á familia e comparecencia ante
a xefatura de estudios que imporá coa axuda do profesorado do alumnado en
cuestión unha tarefa relacionada coa corrección educativa da falta. Ademais
destas sancións xerais algunhas conductas terán unha sanción específica que
se detallará no seu apartado. De repetirse o feito ou de non ter surtido efecto
todo o anterior a dirección do centro poderá impoñer unha corrección máis
dura ou pedir intervención do consello escolar.
Son conductas gravemente perxudiciais
as seguintes:
-
Actos de indisciplina, inxuria ou ofensa graves contra calquera dos membros
da comunidade educativa. Son exemplos destes actos: a desobediencia a un membro
do profesorado ou persoal non docente cando estea amostando a comisión dunha
falta, as faltas de respecto a calquera persoa membro da comunidade educativa,
os insultos-malas contestacións-ofensas-comentarios sarcásticos ou despectivos
a calquera persoa da comunidade educativa.
-
Agresión física grave contra calquera membro da comunidade educativa. Serán
aquelas que foron realizadas coa intención de causar dano físico. Tamén se
inclúen neste apartado as conductas de acoso e abuso que coarten a liberdade
persoal.
-
Suplantación de personalidade e falsificación ou substracción de documentos
académicos, son exemplos deste apartado: identificarse falsamente cando se
lle vaia amonestar, basearse no parecido para fuxir da sanción, alterar documentos
do centro ou informes para a familia, alterar ou eliminar notificacións para
as familias ou profesorado, asinar documentos, notas ou informes coa identidade
doutra persoa, substracción de documentos do centro.
-
Danos graves causados sobre materiais ou instalacións do centro como roturas
ou desperfectos ou sobre materiais e pertenzas das persoas membro da comunidade
educativa. As sancións, ademais das xerais indicadas máis arriba, incluirán
a reparación en horas non lectivas se é posible ou , en último termo, a valoración
de danos e pago de reparación ou reposición do material, sendo as familias
as responsables destes pagos.
-
Actos inxustificados que perturben gravemente o normal desenvolvemento das
actividades do centro e aula. Son exemplos destas conductas: ausencias inxustificadas
da aula, saídas sen permiso da aula, conductas individuais ou colectivas de
tipo intimidatorio ou agresivo cara a calquera persoa da comunidade educativa,
roubo dos ben materiais do centro ou de calquera persoa relacionada coa escola,
conductas de tipo ruidoso ou alborotos tanto individuais como colectivos,...
As sancións , ademais das xerais, poderán incluí-lo cambio de clase, a realización
de recreo a diferente hora ou diferente lugar que o resto, a realización de
tarefas relativas á corrección educativa da falta cometida. No caso de roubo
sempre deberá haber unha restitución ou reposición do substraído
-
A reiteración na comisión de faltas leves.
-
Incitación sistemática a actuacións gravemente perxudiciais para a saúde ou
integridade persoal de calquera membro da comunidade educativa. Ademais das
correccións xerais indicadas para estas faltas, o alumnado que cometa algunha
destas accións deberá realizar en horario de recreo tarefas relacionadas cos
valores relacionados coa saúde, tolerancia, respecto,...
- Dereitos e deberes serán os establecidos
na lexislación vixente: Leis Orgánicas:
-1/1990
-10/2002 BOE 24/12/02.
- Decreto 374/96
DOG 21/10/96 Capítulo VI
Facendo fincapé nos aspectos que o centro detecte como máis favorables
para a convivencia escolar: entrevistas
periódicas co profesorado, asistencia a xuntanzas de principio de curso, ...
- Asociacións de Pais e Nais. Rexeranse
pola normativa antes citada así como tamén polos estatutos en vigor.
O Centro prestará colaboración coas actividades que as asociacións
leven acabo.
Figurará como un Anexo o R.R.I.
O Centro poderá realizar os simulacros
necesarios para unha posible evacuación.
Ante a Orde de 6/07/2003 DOG do
12/06/2003 polo que se regula a gratuidade dos libros texto no ensino obrigatorio,
o centro ten o deber de incluír no RRI un apartado onde se regule a utilización
dos libros de texto:
- Os libros
son propiedade do Centro.
- Cada neno/nena
farase cargo dun xogo de libros que utilizará ó longo de todo o curso.
- Os/as alumnos/as
terán a obriga de coida-los libros e entregados ó final de curso no Centro.
- No caso de
deterioro ou perda, as/os nais/pais deberán repoñelo.
- Non se lles
porá nome, nin se escribirá neles.
- Ó inicio
do período de gratuidade, cada neno ou nena deberá forrar con plástico transparente,
seguindo as normas que o profesorado indique.