O noso contorno

O contorno da escola inclúe na actualidade o antigo Arrabal da Moureira, os barrios de San Roque e Santa María, a  Alameda e parte da rúa Riestra.

Pontevedra era un burgo camiñante e mariñeiro, unha parte protexido e amparado pola  muralla, esencialmente eclesiástico, nobiliario e mercantil e outra exterior de exclusiva dedicación mariñeira e pescadora chamado Arrabal da Moureira . Dos tres campos que tiña, o de Santo Domingo situado no noso contorno, tiña no seu interior unha "lameda cerrada" de carballos e acacias con vistas á Ría.

O primeiro muelle da vila foi a Ponte sobre o Lérez. Nese tempo había tamén numerosos peiraos de pedra nos que a flota pesqueira descargaba as colleitas do mar. Seguindo a liña dese mar foise erguendo o caserío pouco urbanizado e sen ostentacións con pilas de salar e fumeiros para seca-la pesca.

No século XVI Pontevedra tivo un intenso dinamismo económico gracias as explotacións que se facían dende o seu porto, permitindo ampliar muelles e peiraos, restaurar igrexas, reparar camiños e a vella ponte medieval. Obra deste tempo é a basílica de Santa María.

AS RÚAS

RÚA DE XAN GUILLERME

Denominación tradicinal que recollen as actas municipais do século XIX. Toma o nome dun propietario instalado nesa rúa, que dexenera en San Guillermo, correido en 1950.

Xan Guillerme era un dos propietarios dos moitos peiraos que por aquel entón había na ribeira do Lérez.Os peiraos, que se compuñan dunha escaleira central e dúas plataformas laterais, facilitaban a carga e descarga das embarcacións. Acostumaban leva-lo nome de quen os utilizaba: " de Verrón", "dos Fidalgos", "das Corbaceiras".....

Esta asoportalada rúa, que vai dende Arzobispo Malvar ata Jofre de Tenorio, une o núcleo orixinario da cidade co Arrabal da Moureira. Sae da fachada do templo de Santa María e cruza ata o peirao situado na Moureira de Arriba. Pertence o barrio mariñeiro que se extendía pola ribeira esquerda do Lérez.

 

 

Volver