Na semana do 2 ao 8 de novembro de 2008, 25 alumnas e alumnos de 3º Ciclo de Primaria participaron dunha semana de inmersión lingüística en inglés nun albergue en Villanueva de Villaescusa (Cantabria). A empresa encargada do programa foi King's College International. Compartiron a experiencia con outros 25 nenos procedentes do colexio Os Santos de Madrid.
A experiencia foi moi satisfactoria dende todos os aspectos. Os alumnos usaron o inglés en todas as actividades programadas para esa semana.
Participaron en clases dentro do albergue e fóra del para traballar os seguintes temas: a terra, a auga, a fauna, a flora e o impacto humano sobre o medio ambiente, adicando un día da semana a cada un destes temas. O mércores visitaron o Parque Natural de Cabárceno que se atopa a 10 minutos do albergue.
Dentro das actividades programadas pola empresa contratada polo MEC, houbo unha hora de xogos diarios a cargo dos monitores e outra hora de actividades nocturnas para que os chavales se fosen a dormir contentos.