Actividades
O xoves 13 de maio de 2004 celebramos unha xornada
especial de actividades co gallo das Letras Galegas adicadas a Xoaquín
Lorenzo Fernández.
Os primeiros en celebralo foron os nenos
e nenas de Educación Infantil que fixeron unha representación
da Festa das Flores.
A continuación, tivemos un festival coas seguintes actuacións:
- Presentación do autor homenaxeado, por alumnos de 5º.
- Canción "Rock da ducha", polos nenos de 2º.
- Cancións tradicionais galegas, por alumnos de 6º.
- "Regueifa entre o día e a noite", por alumnos de 4º.
- "Rap do Galego", por alumnas de 5º.
- "Os dereitos dos nenos", por varios alumnos do centro de diversas nacionalidades.
- Orquestra escolar.
Pola tarde, organizamos uns xogos populares en diferentes zonas do colexio: campos, patio e canchas: "Pisa-lo rabo", "o cangrexo", "carreira de sacos", "cadeiras musicais", "ensarta-lo aro" e "o globo".
As nenas e nenos participaron en todos e, o final, celebramos o tradicional "baile da escoba".
