RIBEIRA SACRA
Cañóns do Sil
Ir a outras saídas deste curso 2004-2005          Inicio
 

O día 29 de abril, os alumnos de 5º e 6º de Primaria foron de excursión á Ribeira Sacra, visitando os seguintes lugares: Monforte, cañóns do Sil ( navegando nun catamarán), Castro Caldelas cunha visita guiada do seu castelo e mosteiro de San Pedro de Rocas, parando antes a observar o Sil dende o miradoiro de Cabezoá. Para rematar a viaxe, pasamos por Ourense e dende ese punto, iniciamos o camiño de volta a Foz.
  
Vista dos cañóns dende o embarcadoiro
    
Vista dos cañóns dende o Miradoiro de Cabezoá
 

Durante a viaxe en catamarán, puidemos observa-las viñas en ámbalas dúas ladeiras (a da parte de Lugo e a da parte de Ourense). A dificultade de explotación destes viñedos explica que este tipo de viticultura se chame "heroica". Tamén puidemos observar a beleza da paisaxe e o resultado da erosión nas rocas do cañón. Se queres ver máis fotos desta parte da viaxe, pulsa aquí.
  
Subida ó catamarán
    
Ponte da Veleda
 

En Castro Caldelas, visitamo-lo castelo, subindo ás diferentes torres. No interior, tamén se pode ver unha exposición de antigüidades e información sobre o castelo. A guía contounos que dende unha das torres, pódese oir o Sil. Nos non o conseguimos pero se vades de visita, non vos desanimedes! Se queres ver máis fotos da visita ó castelo, pulsa aquí.
  
Torre do castelo (Castro Caldelas)
      
Exposición de antigüidades
 

No mosteiro de San Pedro de Rocas, o que máis chamou a atención foron as tumbas dos monxes.
O día da visita foi un día de moita calor. O saír do mosteiro, baixamos á fonte para poder refrescarnos.
Se queres ver máis fotos desta parte da viaxe, pulsa aquí.
  
Mosteiro San Pedro de Rocas
  
          Outras saídas deste curso 2004-2005        
            
  
Baixada á fonte