¿Que tal de vacacións de Nadal? ¿Portáronse ben os Reis Magos? Seguro que vos trouxeron moitas cousas e tamén algúns libros para ler no cole ¿non si?.

Na Biblioteca do cole estamos de REBAIXAS, si escoitáchedes ben "ESTAMOS DE REBAIXAS" e o noso lema é "VIAXANDO COS LIBROS NAS REBAIXAS". A oferta que vos ofrecemos é ler 2 x 1.

Durante o mes de xaneiro e ata o día 9 de febreiro, cada vez que visitedes a Biblioteca do colexio, podedes coller, para lelos na vosa casa, DOUS libros en lugar de UN.

Dámosche uns pequenos consellos para escribir unha carta de amor ou de amizade:

     *  Tes que ser sincero;

     *  Empregar palabras sinxelas que che saian do corazon;

     *  Pensa na persoa que queres;

     *  Máis vale calidade que cantidade;

     *  Pensa no obxectivo da carta

     *  Tenrura, delicadeza, comprensión, simpatía, sentimento;

     *  Tes que ser xeneroso ou xenerosa.

O 13 de febreiro tivemos a visita da   autora do libro "Malú y el marciano del ordenador": BLANCA ÁLVAREZ. O alumnado de 3º e 4º, que leu este libro, fixo ilustracións e narracións sobre él. Despois de compartir con eles unha sesión de animación á lectura firmoulles os libros cunha fermosa dedicatoria.