Fíxose unha exposición por aulas de "MARCAPÁXINAS" curiosos aportados polas familias e polo alumnado (algúns feitos por eles mesmos). Colocáronse en diferentes zonas do centro en paneis os correspondentes a cada nivel.

O día 4 de maio visitounos para animar á lectura ao alumnado de 4º da Editorial Consorcio "A pel do crocodilo"

O día 10 de maio tivemos na biblioteca unha actividade para 3º de primaria que organizou o Concello para Normalización Lingüística titulada "Festas cíclicas" na Biblioteca viron un vídeo de cómo se fan os maios e cancións deles; no patio fixeron bailes dos maios.

O día 12 de maio visitounos para animar á lectura ao alumnado de 5º  co libro "Quieres ser el novio de mi hermana" por cortesía da editorial Edebé.

Na semana das Letras Galegas  tivemos na biblioteca unha "Exposición de libros de Lois Pereiro e as Letras Galegas": unidades didácticas por ciclos, exposición de traballos feitos polo alumnado: debuxos, poemas, carteis, ...

O día 26 de maio tivemos un   "Taller de expresión escrita" para o alumnado de 6º por xentileza da editorial Kalandraka.

Inventaron animais a partir de obxectos cotidianos, baseados no libro: "Imaxina animais"

Con motivo do X aniversario da Biblioteca Castelao (2001-2011) o equipo da biblioteca organizou unha actividade chamada "Padriños Lectores" o día 27 de maio.

O alumnado de 4º, 5º e 6º preparou un texto (conto, poesía, capítulo, ...) que escolleu previamente na Biblioteca do Centro ou na súa casa.

Unha semana antes, asignamos a cada padriño e madriña lector dous afillados ou afilladas dos outros cursos, dende Educación Infantil de 3 anos ata 3º de primaria.

Durante a hora de ler propiciamos o encontro entre padriños e afillados para que se foran coñecendo. Cada alumno dos cursos superiores tiña unha tarxeta coa súa foto e a dos seus afillados onde aparecían os seus nomes e cursos.

O día 27 de maio despois do recreo e na "Hora de ler" cada padriño co seu libro escollido dirixiuse a aula onde se atopaban os seus afillados e buscaron unha zona no patio para lerlles o texto preparado.

Unha música de fondo "A primavera de Vivaldi" indicaba o inicio da actividade.

Ao rematar as lecturas acercámonos a unha tarta de aniversario e despois de cantar cada padriño entregou aos seus afillados á súa aula, onde compartimos as saborosas tartas de chocolate feitas no colexio.