NOVIDADES  EN  ABRIL
     
     
 

OS PADRIÑOS LECTORES COÑECEN AOS SEUS AFILLADOS
 

 
   
 

Os nenos e nenas de 4º, 5º e 6º na hora do recreo coñeceron aos seus afillados.

Previamente recibiron un carnet de padriños lectores no que aparecía a súa foto, nome e curso así como os datos dos seus afillados e afilladas.

Na biblioteca, días antes, recibiron unhas recomendacións sobre esta actividade: día do encontro, tipo de lecturas, ...
     
 
     
 
     
 
     
 
     
 
     
 
     
 
     
 
     
 
   
   
   
     
 

DÍA DO LIBRO - PADRIÑOS LECTORES
     
   
  O día 23 de abril, o Día do Libro.Celebramos esta data cunha actividade moi querida polo noso alumnado:

"Os Padriños Lectores".

Os maiores len aos máis pequenos do cole.

Na corcheira do cole anunciamos esta actividade.

Na hora de ler léronlles contos aos seus afillados, distribuidos por todo o patio do centro.
     
       
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
              
     
     
     
 

ROSALÍA DE CASTRO
   
     
  Este ano adicamos a Semana da Poesía a Rosalía de Castro co motivo da celebración do 150 aniversario do libro "Cantares Gallegos".

Colocamos paneis informativos no centro:
     
     
 
     
 
     
     
  Fíxose unha exposición de libros de Rosalía .
     
 
     
     
  Na corcheira exterior do centro colocáronse poesías anunciadoras desta actividade repartidas.
     
 
     
 
     
 
     
 
     
 
     
     
  Tamén fixemos  o recitado de poesías de Rosalía:
     
 
     
     
 

SEMANA DA POESÍA
     
     
  Decoramos o colexio co motivo do inico da primavera con moitas e variadas flores.
     
 
     
     
   
  Nos expositores colocamos libros de poesías.
     
 
     
     
   
  Nas entradas dos dous edificios, cada día da semana, colocamos unhas cestas con poesías de agasallo para o alumnado

(poesías de Rosalía, inventadas polo alumnado, ...).

A temática destas poesías era "a auga".

     
 
     
 
     
 
     
     
     
 

ENCONTROS NO IES MANUEL ANTONIO
     
     
 

O día 17 de abril as responsables das Bibliotecas Escolares da zona de Vigo e arredores fomos convocadas a un encontro-xuntanza no CIFP Manuel Antonio de Vigo .

Xantamos no restaurante da Esola de Hostelería, por certo, moi ben, e despois estivemos debatindo e compartindo experiencias das nosas bibliotecas.
     
 
     
 
     
 
     
 
     
   
     
 

EXPOSICIÓN DE LIBROS DE AUGA
     
     
 

As familias do noso alumnado participaron nunha exposición con libros sobre a temática elexida este curso: "A auga".

Nos expositores da entrada do colexio colocamos os libros aportados polas familias.

Foron moitos os libros aportados e o alumnado puido velos  con calma na Biblioteca do colexio.
     
 
     
 
     
     
     
     
  XAVIER PUENTE DOCAMPO

O día 19 de abril recibimos a visita do escritor Xavier P. Docampo para o alumnado de 3º e 6ºA de primaria, pola lectura de dous dos seus libros:

"A NENA DE AUGA E O PRÍNCIPE DE LUME" e "O MISTERIO DAS BADALADAS".

 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
 
     
     
     
  SUSA  HERRERA

O día 25 de abril visitounos Susa Herrera.

 O alumnado de 1º, 3º e 4º de primaria pasouno en grande cantando e bailando con ela.

Colocamos un mural no escenario do ximnasio con fotos sobre a súa vida e os seus libros.

Tamén fixemos unha exposición cos libros que leva escrito.