PREPARATIVOS
   
 

 
 

Durante a segunda quincena do mes de setembro e a primeira de outubro estivemos preparando todo o necesario para poder inaugurar este curso a nosa Biblioteca.

Buscamos material de laboratorio para poder decorar a entrada principal con obxectos relacionados coa ciencia, o tema elixido este curso.

Coma sempre colocamos un calendario de conta atrás para o día da inauguración e o equipo de biblioteca preparou todo o material necesario para poder comezar coa actividade bibliotecaria: mochilas viaxeiras, libros agasallos aulas, carpetas, pasaportes de lectura, ... decoración de paneis, fiestras da biblioteca e entrada principal, ... libros de consulta relacionados coa temática da ciencia, chuches, ...

 
     
 
     
 
     
 
     
 
     
 
     
 
     
                     
     
     
     
     
     
 

DECORACIÓN
     
     
  Finalmente eiquí podedes ver o resultado da decoración para a zona da entrada principal.

O lema escollido é:

"A LECTURA NON SÓ SE INVENTA SENÓN QUE SE EXPERIMENTA"
     
   
 
     
 
     
 
     
 
     
 
     
 
     
 
     
 
     
 
   
     
     
     
 

VISITA DOS NENOS E NENAS
   
   
 

Durante os días 26 e 27 de outubro o alumnado e profesorado do colexio visitou a entrada principal e a biblioteca para poder observar a decoración e tamén para recoller as súas carpetas, mochilas viaxeiras, libros agasallo e ... unha moi doce sorpresa.

Disfrutaron moito. Non hai nada máis que ver as súas cariñas.
     
 
     
 
     
 
   
     
     
   
 

CSIC
   
   
 

Para motivar ao alumnado coa temática da ciencia puxémonos en contacto con varias investigadoras do CSIC.

O día 28 de outubro realizaron tres talleres co noso alumnado.

 
 
     
     
  Para os máis pequerrechos leron un conto chamado "La ola". A partires deste texto faloulles de diferentes especies do mundo mariño. Os nenos e nenas experimentaron coa lupa vendo peixes e cabaliños de mar diminutos, tocaron esponxas de mar, cunchas, ...
     
     
 
     
 
     
 
     
 
     
 
     
     
  Para os de 1º, 2º e 3º de Primaria leron o conto "Maxia". Foi un taller sobre o "millo". Aprenderon moitas cousas sobre este alimento. Tamén cociñaron con aceite de oliva e fixeron comparacións de diferentes velocidades de fermentación.
     
 
     
 
     
 
     
     
  Para os maiores do colexio: 4º, 5º e 6º, o libro elexido foi "Árbores no camiño" e a experiencia foi sobre a importancia de protexer a natureza, de manter o equilibrio perfecto, pero fráxil, no que se atopa.
     
 
     
 
     
 
     
 
     
 
     
     
     
     
     
     
   
 

SAMAÍN
   
   
  Coma sempre na Biblioteca puxemos a disposición da Comunidade Educativa material relacionado co Samaín.