Un novo proxecto na clase dos nenos e nenas  de CINCO anos. Esta vez foi un regalo de reis, proposto pola nosa Biblioteca escolar, que chegou as nosas casas: os contos do "ABECEDARIO DE LOS SENTIMIENTOS". Cada un de nós recibiu o conto da letra inicial do noso nome e logo compartímolos todos na clase co resto dos compañeiros e compañeiras de cinco anos.

Aprendemos que os sentimentos son a resposta ao que pensamos e como reaccionamos ante os eventos da vida diaria. A veces respondemos de forma positiva e a veces de forma negativa. Un paso importante para ser conscientes do que sentimos é aprender acerca dos nosos sentimentos persoais.

Moitas veces o máis duro dalgúns sentimentos é compartilos con outras persoas; pero o feito de compartilos pódenos axudar tanto cando se trate de sentimentos bos como doutros que non son tan bos.

Para poder compartilos antes tentamos saber o que realmente sentimos. Tentamos,entre todos, pensar e expresar aquelas cousas que nos fan sentir tristes e enfadados, as que nos fan sentir alegres, as que nos gustan e as que non nos gustan.

Tentamos comprender entre todos que é bo falar sobre os sentimentos e non quedalos para nós sós porque iso pode facer que nos sintamos peor. Falar cos demais diles sempre nos pode axudar a buscar solucións xuntos.

 ¿¿¿Queredes descubrir o que sentides con nós???

Nós decidimos expresalo plásticamente e eiquí tendes unha mostra: