Un novo curso e un novo proxecto na aula de 4 anos A.

Ano tras ano tentamos fomentar no noso alumnado o hábito e o gusto pola lectura dun xeito moi atractivo.

A lectura é a chave que abre a porta ós coñecementos, a ilusión e a fantasía. A escola emprega esta chave para facilitar a incorporación dos nenos e nenas á cultura e os valores da nosa sociedade; é a mediadora entre os libros e os nenos e nenas. 

O obxectivo con este novo proxecto foi o de formar lectores que sexan capaces de comprender o significado do que len tanto polo que se di como polo contexto no que se desenvolve.

Conta as aventuras dun ratiño que sae a buscar amigos. Atópase con distintas colas de animais pero ningún deles está interesado na súa amizade. Todos están demasiado ocupados para adicarlle tempo o ratiño ata que se atopa cunha cola pequena e gris ¿poderá a súa dona ser a súa amiga?    

Terás que seguir o noso proxecto se queres descubrilo.

Aprendemos que nesta sociedade na que o tempo parece ser tan escaso e valioso, na que parece imposible ter un oco libre (o traballo, as compras, atelevisión, as tarefas da casa, ...), sempre se pode atopar un oco para os demais e todos debemos ter esto como propósito. E ademais o importante que é ter un amigo e que todos debemos tentar ser un deses amigos que precisan os outros. Tamén aprendemos moitísimas cousas dos animais.

Se queres seguir aprendendo con nós podes realizar as seguintes actividades: