Vigo,24 de outubro de 2005

Ola nenos e nenas do C.E.I.P. O Pombal:

Son unha personaxe que está escondido nalgún lugar da vosa Biblioteca. Pola noite, cando non hai nadie no cole, aproveito para ler, ver, admirar, ... todos esos libros tan bonitiños e interesantes que tendes. Tamén aproveito estes momentos de tranquilidade para pensar en cousas que vos podo propor para animarvos a ler un chisquiño máis e para vir a visitarme máis a miudo. Encántame cando vexo que estades coa vosa profe consultando e lendo libros na Biblioteca. ¡Síntome tan feliz acompañado!

Hoxe celebramos o Día Internacional das Bibliotecas Escolares e como é un día moi especial organizamos unha exposición de libros, mellor dito, unha exposición de libros curiosos: hai libros enormes, outros son pequerrechiños; hai libros de papel, outros de plástico e peluche; hai libros redondos,outros irregulares; hai libros que eran dos vosos avós e outros aínda máis antiguos, ... ¿Por que non vos animades a visitala? Podedes vir na vosa hora da Biblioteca. A exposición estará aberta ata o día 4 do mes de novembro. Espérovos con moita ilusión.

Por certo, ¿sabedes como me chamo? Vouvos dar unha pista: o meu nome empeza por C e chámome como a vosa Biblioteca. ¿Non vos acordades? Pois xa sabedes o primeiro que tendes que facer: averigualo.

Un bico para todos e espero a vosa visita.