ESCOLA SINSAL: MÚSICA ENLATADA
     
  Esta escola que realiza un obradoiro itinerante por algúns Colexios Públicos de Vigo empezou o día 11 de maio no noso colexio querendo achegar ata os máis pequenos un repaso histórico pola evolución dos soportes musicais, dende o Fonógrafo ata os recentes formatos comprimidos.

Tamén tentou introducir ós nenos e nenas na edición musical por ordenador, usando software libre para que eles mismos poidan producir música tanto no colexio coma na súa casa.

Foron 5 horas falando de música cos cativos de 6º.

 

Un grupo empezou vendo vídeos sobre Música Enlatada que narraban o percorrido dende o Fonógrafo ata os discos de vinilo. Falaron dos reproductores tradicionais: Fonógrafo, Gramófono,Magnetófono e Xiradiscos.

Viron os soportes de grabación: cilindros, cintas magnéticas,cassettes, discos de tódolos tamaños, cores, formas, ...

Tamén falaron de músicos tan importantes como: John Cage, The Beatles, ... ademais de ver como se fai un disco de vinilo.

Julio Gómez foi o encargado desta proxección.
  O outro grupo aprenderon como se monta unha cabina de picadiscos, que é un prato  e unha mesa de picadiscos.

Tamén houbo tempo para construir un disco personalizado tallando nun Cd os surcos cunha tesoira.

Os Djs. Abel e Diego, do Colectivo Arkestra, foron os mestres de cerimonias.

 

 

 Despois dun pequeno descanso empezaron a clase mestra de edición musical. Usando software libre construimos unha canción: "La chica de ayer" de Nacha Pop.

Xa co tempo case rematado quixeron facer unha introducción ós VJs. "Picavídeos" con outro software libre de mestura de vídeos e unha mesa dixital.

Este apartado foi desenvolto por Marco "Apenino" e a colaboración da mestra de música Susana.