Con este proxecto tratamos de conseguir a dinamización da biblioteca do colexio como centro de actividade. Con este motivo organizamos actividades que, en torno á biblioteca, lograsen que os nosos alumn@s se convertisen en “lectores voluntarios” en contraposición dos “lectores forzosos” como son a maioría deles .

         Eliximos, para comezar, un tema familiar, do mundo que rodea ós nen@s , no que cada ciclo poidera traballar ó seu nivel: Os avós ,  que nos levara  tamén a un maior coñecemento e respecto desta figura.

         Proponse o tratamento dos seguintes contidos, aproveitando a motivación e solicitando a colaboración das familias:

·        Os avós nos contos, poesías…

·        A botica da avoa (remedios caseiros, plantas medicinais)

·        Xogos populares

·        Refráns, cantigas…

A Biblioteca ofrecerá ós profesores diversos materiais e recursos para promocionar a lectura arredor do tema elixido, incluíndo as seguintes propostas:

·        Exposición de libros de literatura infantil sobre o tema

·        Guía de lectura, coa relación de libros que se poden empregar

·        Carpeta de materiais: textos para traballar nos distintos niveis, propostas de actividades…

Como colofón, os alumn@s completarán un libriño con actividades sobre o tema no que se precisa  o uso dos fondos da Biblioteca como recurso de búsqueda de información e, en moitas ocasións , a colaboración dos avós para responder ás preguntas.

Sair