A cabaceira é unha planta de follas grandes cunhas flores comestibles de cor laranxa. O seu froito acada un grande tamaño e posúe unha cortiza dura que contén unha carne na que se sosteñen ducias de sementes chamadas pebidas.
Soe prantarse a primeiros do verán . Necesita terrenos húmidos e un tempo quente e soporta ben as terras ácidas, por iso se da en Galicia.
A cabaza pertence á familia das cucurbitáceas. Existe unha grande diversidade de especies : a cabaza pasteleira, a cabaza de San Pedro, a cabaza da India... En Galicia a máis común e a "Cucurbita Pepo" ou cabaza común.
Os usos desta especie son moi variados, sendo a principal a mantenza do gando. En moitas zonas de Galicia tamén se usa para o consumo humano, facendo doces e potaxes.Tamén se empregan as pebidas secas e salgadas. Da súa cortiza pode extraerse tamén un aceite vexetal.