Esta fermosísima vila ven á nosa páxina, porque nos seus arredores atópanse un bo número de artesáns tradicionais. Comenzamo-lo traballo cos campaneiros de Arcos da Condesa (unha das nove parroquias de Caldas), e na visita que fixemos, poidemos apreciar mellor os atractivos desta zona.
|
Caldas está situada no Noroeste da provincia de Pontevedra na ribeira do río Umia. Xeográficamente está na latitude 42º36' e lonxitude 8º38,5', e a vintecatro metros sobre o nivel do mar. Está xusto onde comenza o Val do Salnés. O río Umia e os seus afluentes e regatos dan unha grande fertilidade ás terras. Tamén son ricos en peixes e son responsables dalgúns paraxes tan fermosos como a fervenza de Segade |
 |
O clima é templado e húmido, con poucas chuvias no verán e moita humidade ambiente. Aquí temos que destacar un dos atractivos máis importantes da vila, as augas termais. Trátase das burgas das que sae auga a 35ºC con propiedades curativas para afeccións respiratorias, dermatolóxicas e do aparato locomotor.
 |
A
historia di que foron os Cilenos, unhas tribus indíxenas, os
primeiros poboadores de Caldas. Tiñan un deus, Edovio, e practicaban
ritos pagáns na súa honra. Coa chegada dos romanos estas
terras pasaron a ser "Aquis Celenis" ou "Aquae Celenae"
polas suás augas. É moi famoso o tesouro prehistórico
que se atopa no Museo de Pontevedra.
|
|
Na época romana valorouse moito a situación estratéxica da vila dándolle a categoría de "Municipium" e sendo sé dunha das lexións romanas en Galicia. Hai moitos restos arqueolóxicos, destacando tres pontes. Do Románico ten varias igrexas, Santa María, San Andrés, San Estebo... |
 |
 |
O nome actual débese, por unha parte ás propiedades das augas (Caldas) e o nacemento de Alfonso VII, fillo de Dona Urraca (Reis). Un dos paraxes máis atractivos da vila é o Parque-xardín; xunto coa Carballeira forman unha reserva vexetal con árbores centenarias e arbustos de todo o mundo. |
Para saberes moito máis sobre Caldas de Reis visitade esta web: http://www.nfabian.com
 |
Para
facer uns exercicios sobre Caldas preme na boneca
|
 |