As instalacións exteriores, recinto escolar e pistas polideportivas, son só para uso dos nenos e nenas matriculados no Colexio. Ditas instalacións, fora do horario lectivo, só poden ser utilizadas polo alumnado que participe nas actividades extraescolares que figuren no Plan Xeral Anual.
Para unha utilización distinta das instalacións, ben sexan as exteriores ou as do propio edificio, será necesario solicitar a correspondente autorización segundo o establecido na Orde do 22 de xullo de 1997.

Pensando sempre na seguridade do alumnado consideramos necesario facer unha serie de consideracións sobre o cuncionamento da biblioteca en horario de tarde:

• Permanecerá aberta de 16.00 ás 18.00 horas, controlada por profesorado do centro.
• Poderá facer uso dela o alumnado do colexio, exclusivamente para lectura, consulta ou préstamo.
• Coa finalidade de garantir un bo uso da instalación levarase un rexistro diario de entrada na mesma (a hora tope de entrada serán as 16.15 horas), para realizar a saída antes das 18.00 horas o neno/a deberá presentar un xustificante escrito dos seus pais ou titores.
• O alumnado que asista ás actividades extraescolares do centro deberá seguir as normas que se acaban de expoñer, a excepción da hora tope de entrada que será inmediatamente despois da actividade realizada.
• Os pais e nais que desexen facer uso dos fondos da biblioteca deberán dirixirse ao profesorado responsable.