A festa do Magosto é unha celebración do ciclo do outono na que as castañas son as protagonistas xunto co viño novo. Polo xeral celébrase o día de Tódolos Santos ou, na provincia de Ourense, polo San Martiño. O Magosto é unha manifestación máis do desenvolvemento das actividades agrarias. Nestas datas xa están almacenadas as colleitas, é un tempo de ledicia e de abundancia, no que os soutos mostran os seus froitos e hai que apañalos. Por iso o auténtico Magosto era o que se facía no monte, a xente nova xuntábase para recoller ramas e toxos secos e prepara-lo lume. As castañas poñíanse no chan, e botábase a leña por riba para asalas lentamente. Tamén era costume tisnarse uns ós outros coas últimas castañas da festa. Para non esquece-la tradición, tódolos anos, o Colexio súmase a esta festa con novas ideas que acompañan ó feito de come-las castañas no patio. Este ano recuperamo-la idea dunha compañeira que a puxo en práctica no Colexio de Abegondo e da que non sabemo-lo nome. Trátase do "Xogo da Oca" pero con castañas e con regras alusivas a este froito. |
|
Aquí podedes ve-los taboleiros xa preparados no chan do pavillón. Cada un deles está formado cos debuxos que aportaron as clases. Tamén fixeron os dados e as fichas do tamaño axeitado para xogar con eles. |
 |
 |
Regras e distribución dos cadros: 1,2,3,4 ... entrada ó xogo 5 ......... o esquío 6 ......... castaña: "De castaña a castaña, eu as como e ti as apañas". Vólvese tirar. 7 ......... o valado 8 ......... o papaventos |
|
9 ......... a araña: "Coa araña diches, perdiches". Agardas unha tirada. 10 .......... o cataventos 11 ........ a castaña. "De castaña en castaña ..." 12 ........ a buxaina. "Coa buxaina vas xogar, volta a escomenzar". Vólvese ó principio. 13 ........ a pega 14 ........ os reis reis, mariquitas. 15 ........ o pombal |
 |
 |
16 ........ o coello: "Co coello vas brincar, volves tirar". 17 ........ a castaña. Faise coo nas anteriores. 18 ........ as campaíñas, estalotes, bilitroques. 19 ........ a ponte 20 ........ o galo 21 ........ a chuvia. "Chove miudiño, vai amodiño". Agardas unha tirada. 22 ........ a castaña. Faise como nas anteriores. |
|
23 ........ as formigas 24 ........ o peixe 25 ........ a montaña 26 ........ a castaña. Faise como nas anteriores. 27 ........ a casa 28 ........ a curuxa 29 ........ o pozo: "Co pozo fuches dar, tes que agardar". Agardas unha tirada. |
 |
 |
30 ........ a ra: "Croac, croac, na charca vive a ra". Avanzas unha. 31 ........ a charca 32 ........ as anduriñas 33 ........ o hórreo, cabazo, piorno. 34 ........ a abella 35 ........ o gato: "O gato quere pescar, tes que atrasar". Volve o peixe: 24.
|
|
36 ........ a castaña. Faise como nas anteriores. 37 ........ as bolboretas 38 ........ o sapoconcho, tartaruga 39 ........ a lúa: "De lúa a lúa, xogamos na rúa". Avanzas ata a outra lúa: 48 40 ........ a castaña. Faise como nas anteriores. 41 ........ o parrulo 42 ........ o carballo 43 ........ o castelo |
 |
 |
44 ........ as uvas 45 ........ a castaña. Faise repeti-la tirada. 46 ........ o tren 47 ........ os cogumelos 48 ........ a lúa. Vólvese á outra lúa. 49 ........ o cosco: "Cosco cosquiño, quedas paradiño". Agarda unha tirada. 50 ........ o piñeiro
|
|
51 ........ o laberinto: "No laberinto vas entrar, volve comezar". 52 ........ as flores 53 ........ o sol 54 ........ o Arco da Vella. FIN |
 |
E despois dos xogos a disfrutar das castañas.
 |
 |
 |
 |
 |
 |
¿Queres ver máis fotografías doutros cursos? Preme no esquío. ¿Queres saber máis sobre o castiñeiro e a castaña? Preme na folla. |
|
