Pezas para os animais

Bitillo: peza semiesférica feita de arame ou tea metálica. Emprégase para tapa-lo fociño do animal, evitando as posibles mordeduras.

Canelos: para "ferrar" os bois e as vacas non se empregan ferraduras, senón canelos. Son pezas de ferro en forma de semicirculo; na parte curva leva as furas para os cravos. Leva unha prolongación destinada a entrar por entre as uñas do animal.

Espora: instrumento de metal provisto dunha espiga e unha roda con puntas. Utilízase para picar ó cabalo e que apure. Para facelo axústase o talón da bota.

Estribeira común: peza de ferro usada polo xinete coa finalidade de pousa-lo pé cando vai a cabalo.

Estribo: peza de coiro, metal ou madeira na que o xinete pousa o pé cando cabalga.

Ferradura: peza de ferro de forma variable que, como protección, levan os cascos dos cabalos, mulos ou burros.

Pezas de aparellos de animais de tiro. Usánse para xunguir ás bestas.

Peza da sela de montar. Serve para suxeitar as dúas partes laterais e así evitar que se mova.

Pexa: corda, peza de coiro ou de ferro que se ata ás patas do gando para que non escape. Ten un lazo en cada extremo. Nalgunhas comarcas tamén se chama solta.

Soliño: peza de madeira que une a grade co xugo. Cando o carro ten que levar moito peso, se non chega unha xugada ponse outra, unida ó carro cunha cadea curta ou pao, é o soliño.

Podes facer o encrucillado sobre este tema na páxina:

http://www.edu.aytolacoruna.es/aula/letras_galegas/ferramentas.html