Proxecto de poster

CEIP San Francisco Xabier

Por un Colexio máis verde

Presentación do grupo que vai traballar no proxecto. Dous añumnos de cada grupo do terceiro Ciclo de Primaria. Elección do logo.

Traballamos no verán, aprendimos a facer un caderno de campo, a recoller e observar follas e froitos. A debuxar animais e plantas. Para iso foron de moita axuda as ligazóns a páxinas web suxeridas na nosa Web.Recollimos tódalas experiencias en cadernos de campo.

Neste mes comenzamo-lo estudio das nosas árbores, pouco a pouco imos facer un estudio de tódalas que temos no Colexio e nos parques e xardíns próximos. Tamén adoptamos unha parella de hamster para coidalos e facer prácticas de responsabilidade cos nosos pequenos amigos.

Chegaron os cogomelos e aprendimos moito con fermosa exposición, tamén recoñecimos enfermidades das nosas érbores como o fungo 'negrilla' e as 'cochinillas' do mandarino. Seguimos facendo denuncias do maltrato ambiental.

Aquí repartimos contedores para recolle-lo papel polas clases, macetas e bulbos de xacintos e narcisos. Tamén comenzamos coa limpeza dunha parte do xardin e plantamosr bulbos nela. Este mes fixemos un estudio sobre a importancia da auga para a na vida e formas de aforrala.

Este mes fixemos unha chamada ó consumo responsable. A buscar artigos de comercio xusto para os agasallos de Nadal. Non ó acivro sen identificar. Non á corta de árbores para adornar as casas. Non ó abandono de mascotas. Tivemos unha fantástica exposición de ADEGA sobre debuxos de Xaquín Marín e temas ecolóxicos.

Sumámonos á celebración do día da Paz facendo votos por un ecopacifismo mundial. Recuperamos árbores de Nadal lpara plantar no xardín. Vimos nacer as flores dos xacintos e denunciamos o abandono de moitas árbores que precisaron dun tutor para crecer pero que ó non renovalo acabou estrangulando o tronco. Falamos da enerxía e as posibilidades de aforro enerxético no noso contorno.

Foi o mes no que falamos da importancia do reciclado. De como selecciona-lo lixo e como reciclar papel. Recibimos as camisetas de Voz Natura e repartimolas segundo a participación no proxecto. Limpamos de malas herbas, coñecimos herbas medicinais como a lavanda, romeu, fumaria... e vimos saír narcisos no xardín. Tamén vimos as flores do mandarino, aínda que tivemos que seguir co tratamento das cochinillas.

Conseguimos do Concello, gracias á petición dos alumnos de 5ºC, unha moreira coa que dar de comer as larvas de vermes de seda que van nacer pronto. Axudados dos xardiñeiros municipais fixemos a plantación no xardín. A APA colocou un pequeno valado para cercar a zona onde están a medrar as plantas medicinais, algúns bulbos e perennes que van florecer moi pronto. Sumámonos á campaña pola defensa dos ríos galegos e asinamos o compromiso coa terra, despois de relizar varias enquisas de hábitos ecolóxicos.

Preparativos para a plantación da moreira

Este mes remata este proxecto no que se acadaron os obxectivos propostos. Vai ter continuidade no próximo curso, con varios grupos de alumnos que serán parte, moi activa, na toma de conciencia do Colexio e tódolos sectores implicados no mesmo. Ademais ampliarán o estudio das árbores e plantas do contorno, necesidades e posibilidad de mellora das zonas próximas, máis árbores, máis papeleiras... petición de placas solares para aforro de enerxía, uso de productos de limpeza menos agresivos... En fin, un barrio máis verde, e uns cidadáns máis comprometidos coa conservación do planeta, co aforro de recursos naturais, coa paz, coa xustiza, co desarrollo sostible...