Os alumnos/ as terán un mapa do xardín da Cubela, que é o parque que está máis preto do Colexio; podemos velo tódolos días e ten un fácil acceso desde o pavillón para realizar este xogo e o seguinte. O mapa estará só cos detalles esenciais. Ao lado do mapa aparecerán oito árbores do parque. Terán que sinalar en que lugar ou lugares hai esas árbores ( para iso traballarán previamente buscando na páxina web do centro este mesmo mapa, pero con acceso ás árbores e ás súas características e ubicación ); ( www.edu.aytolacoruna.es/centros/sfxabier/xardins/cubela.htm ). Cando os teñan localizados irán ao parque e buscarán, nesas árbores, fotografías de diferentes deportes que haberá gardadas en cartuchos fotográficos ( para cada tipo de árbore haberá unha fotografía, polo que se hai varios árbores da mesma especie a fotografía só estará nun deles). Collerán unha fotografía por cartucho ( haberá varias, unha para cada grupo ) e, cando as teñan todas, escribirán de que deporte se trata.