|
|
|
|
Na zona de xardín do centro os alumnos / as,
divididos en grupos de 4 ou 5, tratarán de atopar as pezas dun
puzzle que conterá a foto dunha das árbores dos xardíns
do colexio. Mediante diferentes pistas referentes a características
das árbores, que xa coñecen polo traballo realizado na páxina
web do centro (http://www.edu.aytolacoruna.es/centros/sfxabier/nosas_arbores.htm)
e das que levan anotacións acerca das diferentes árbores,
tratarán de atopar os pedazos de puzzle que estarán escondidos
en cartuchos de carrete fotográfico; en cada cartucho haberá
varios pedazos da mesma peza, para que cada grupo (como se lles indicará
na explicación do xogo, colla un só ) e, unha vez rematada
a búsqueda, compoñelo e tratar de averiguar pola foto, e
coa axuda da páxina web, cal é a árbore que aparece.
As pistas irán nun folio que se lle dará a cada grupo en
diferente orde, para evitar que coincidan tódolos grupos no mesmo
lugar.
|
 |
 |
| As pistas poden ser como as seguintes:
Busca a árbore con froito que ten forma redondeada e vai recuberto dunha capa de espiñas punzantes e alí atoparás unha das pezas do puzzle Os chineses crián que o consumo das sementes desta árbore daba a lonxevidade. E aquí, antes de que te fagas vello e saibas se é certo ou non, busca outra peza do puzzle. Para atopar a seguinte peza do puzzle terás que poñer en marcha o teu sentido do olfato, posto que as follas desta árbore son perennes e teñen unhas células cargadas de aceite que lle dan un olor moi particular. O noso seguinte invitado ten unha madeira moi lixeira e é utilizada para embalaxes e pasta de celulosa; así que, busca na embalaxe que hai nesta árbore a seguinte peza. Da corteza desta árbore sacamos o elemento esencial na elaboración da aspirina. Evita dores de cabeza e atopa, o máis axiña posible, a outra peza. A fruta desta árbore é fácil de
pelar e ten un zume moi aromático e dóce. A peza que falta
para completar o puzzle está moi preto. |
 |
 |
Distintos momentos na
busca das pezas.
|
|
 |
 |
|
Volve ao índice do seminario
|
 |
Volve ao índice dos xogos |
 |
