Ó longo das últimas décadas, e en especial desde a LOXSE, a sociedade experimentou importantes cambios na forma de entender a Educación Física e a súa contribución na formación dos cidadáns.
Na actualidade, a nosa área é demandada como unha necesidade do ser humano, que colabora xunto coas demáis áreas para conquerir o desenvolvemento global e armónico dos individuos, o que representa unha das finalidades da educación.
É, polo tanto, esencial prestar atención ás capacidades que, relacionadas co corpo e a súa actividade motriz, contribúen ao equilibrio persoal, á posibilidade de interrelación cos demáis e á utilización creativa do tempo de lecer, contribuindo tamén á conservación e mellora da saúde e a calidade de vida.
A Educación Física é o fío conductor que posibilita o desenvolvemento das aptitudes e capacidades físico, psíquico e sociomotrices do alumnado. O noso corpo é o vínculo de relación con entorno que nos rodea e con resto das persoas coas que convivimos. Unha actividade física adecuada permitirá un desenrolo completo e armónico do noso corpo.
Por todo esto, a relación co entorno e os demáis, fundamentalmente a través do xogo, son pilares básicos da nosa actividade docente. O xogo non é posible sen un espacio no que desenrolarse e os individuos precisan de aprendizaxes prácticos e reais, é dicir, " aprendizaxes significativos ". Ademáis, os centros e a nosa área en particular necesitan actividades en conexión co entorno.

Por outra banda, no D.O.G. do 14 de Agosto de 1992 aparece publicado o Decreto da Consellería de Educación e O.U. polo que se establece o CURRÍCULO DA EDUCACIÓN PRIMARIA NA COMUNIDADE AUTÓNOMA DE GALICIA. Este decreto debe servir como marco de referencia para un desenrolo real e práctico das diferentes áreas que componen os niveis educativos na E. Primaria, xa que contén os principios esenciais da proposta educativa e determinan obxectivos xerais, contidos e criterios de avaliación. Aínda así, o currículo é aberto e flexible e debe tratar de adaptarse á realidade do entorno cultural e socioeconómico do centro escolar no que se traballa, así como a diversidade de capacidades, intereses e motivacións dos alumnos / as.
De todos xeitos, o traballo no entorno próximo tamén é recollido nos obxectivos xerais da E. Primaria, especialmente en tres dos seus apartados:

• Comprender e establecer relacións entre feitos e fenómenos do entorno natural e social, valorando a interacción entre ambos, como elemento que inflúe na calidade de vida, e contribuir activamente, na medida das súas posibilidades, á defensa, conservación e mellora do medio ambiente.
• Coñecer, apreciar e disfrutar o patrimonio cultural, participando na súa conservación e mellora, e respectando a diversidade lingüística e cultural como dereito dos pobos e individuos á súa identidade, desenvolvendo unha actitude de interese e respecto cara ó exercicio deste dereito.
• Utilizar, nun contexto de resolución de problemas sinxelos, os procedementos para obter a información pertinente, seleccionala, organizala, representala mediante códigos e tomar decisións, así como levalas a cabo anticipando e planificando as condicións materiais e temporais necesarias para a súa realización.

Polo tanto, este seminario pretende a elaboración e posta en práctica, na medida do posible, de diferentes sesións que desenrolen o descobremento do entorno máis próximo a través de actividades e xogos relacionados coa orientación ( partindo sucesivamente da aula - pavillón, colexio, ata as zonas máis próximas ao centro ) que permitan ao alumno / a familiarizarse con seu entorno próximo ( centro de estudios e barrio ) dun xeito lúdico e, ao mesmo tempo, favorecer o seu aprendizaxe a tódolos niveis: físico, motriz, ...
As sesións estarán orientadas e serán postas en práctica polos alumnos / as do 2º nivel do 2º ciclo de E. Primaria nos dous centros de A Coruña ( por seren os alumnos / as de máis idade cos que coincidimos os dous mestres destes centros ). Polo tanto, ademáis dos obxectivos xerais de etapa e do que se reflicte no párrafo anterior, tamén promocionamos os seguintes obxectivos xerais da nosa área correspondentes a este ciclo:

• Practicar as distintas normas, rutinas e actividades no coidado do propio corpo.
• Desenvolver o valor lúdico do xogo e o seu aproveitamento no desenrolo das destrezas e habilidades propias do ciclo.
• Participar con agrado en calquera actividade física independentemente da súa capacidade.
• Aceptar ós seus compañeiros nos xogos sen ter en conta as características persoais, sexuais ou sociais de cada quen.
• Respectar as normas de xogo establecidas polo grupo ou por regulamento propio.
• Recoñecer como elementos propios do xogo o feito de gañar / perder e a cooperación / oposición.

Ademáis, tamén ten unha relación moi importante cos bloques de contidos da nosa área, especialmente en dous casos:

" SAÚDE CORPORAL ".

Practicar as distintas normas, rutinas e actividades no coidado do propio corpo (xeral de ciclo ).

2º NIVEL:

Fomentar a postura correcta en posicións básicas.
Practicar os hábitos de coidado do corpo e as normas de alimentación básicas.

" OS XOGOS ".

Desenvolver o valor lúdico do xogo e o seu aproveitamento no desenvolvemento das destrezas e habilidades de ciclo. Participar con agrado en calquera actividade física independentemente da súa capacidade ( xeral de ciclo ).

2º NIVEL:

Aproveitar o xogo para o desenvolvemento das habilidades e destrezas básicas.
Coñecer estratexias básicas de cooperación, oposición e cooperación / oposición.
Valorar as posibilidades de equipo e da participación de cada un dos seus membros con independencia dos resultados obtidos.

Volve ao índice da páxina