Entrevista a Agustín Fernández Paz

Despois de le-lo libro "No Corazón do Bosque" que trataba dunha nena e un trasno que vivían fantásticas aventuras e que a todos nos resultou moi entretida, tivemos a feliz sorpresa de recibir no colexio a visita do autor, Agustín Fernández Paz.

O día 27 de Febreiro a media mañá, na biblioteca do cole coñecemos a este simpático autor que ó longo de dúas horas foi desgranando de forma amena e soportando cun sorriso as nosas preguntas sobre a súa extensa obra e a nosa curiosidade sobre a súa vida, e máis que nada, como espertou en él a vocación de ser escritor.
Contounos infinidade de anécdotas moi graciosas que lle serviron en ocasións como punto de partida dalgunhas das súas obras, como por exemplo: "No Corazón do Bosque" ocorréuselle paseando polas fragas do Eume que sentiu como se movía baixo o seu pé algunha cousa, e sobre iso, escribía este libro; e así outras moitas curiosidades que foron a orixe doutros relatos da súa obra como escritor.
Para documentarnos sobre Fernández Paz tivemos acceso ós "ordenatas" do colexio, por iso antes de que él viñese tiñamos coñecemento dos moitos premios que recibira e sabiamos como era físicamente por unha fotografía súa que aparecía en internet.
De todas formas, o cambio físico do autor era evidente, cousa que non nos sorprendeu a ninguén, posto que nós, tamén cambiamos co paso dos anos.
A mañá pasou rápidamente e de maneira agradable e distendida, polo que quedamos encantados. Como despedida plasmou a súa sinatura e adicatoria individual nos nosos libros; un recordo que nos quedará para sempre.
Recuncho do lector de quinto B.