Celebración do Magosto
A celebración da festividade do Magosto é o reflexo do noso interese polo mantemento dunha das tradicións máis populares e enraizadas da nosa cultura.
Xa dende hai moitos séculos, chegado o Outono varéanse os castiñeiros para facer caer os ourizos, que se abren pisándoos ou coas esbilas, amosando as castañas.
É este o proceso que se segue cada ano neste centro, pois temos a sorte de contar con uns castiñeiros ós que os nenos e nenas van recoller castañas, que anozcarán nas clases e que serán asadas nunha fogueira, según a maneira tradicional. Durante a celebración deste Magosto organízanse tamén diversos talleres basados en xogos tradicionais ou na elaboración de manualidades relaccionadas coa festa, participando neles tódo-los grupos e niveis. Finalmente ten lugar unha degustación da castaña asada, aberta a toda a comunidade educativa (pais e nais, antigos alumnos...).
Neste curso 2005-06, a celebración do magosto tivo lugar o día 18 de Novembro e durante a mesma os nenos e nenas participaron en diversos xogos populares, como os bolos, xogos en equipo, realizándose tamén a decoración das bolsas que posteriormente se encherían de castañas. O día anterior o noso alumnado aprendeu como se elabora a marmelada, levándose a cabo unha degustación durante o recreo... ¡¡¡Qué rica estaba!!!
A continuación pode ver a galería de imaxes correspondente ao MAGOSTO.
Copyright © por CEIP Vista Alegre Tdo-los dereitos reservados.
