Analizamos o noso colexio
Como introducción, imos deixar anotados en síntese, unha serie de datos
referentes a esta vila, co obxectivo de que calquera dos compoñentes da
nosa comunidade educativa ou outras persoas interesadas, poidan coñecer
e ter unha visión actual de Burela.
Previamente é obrigado lembrar que con data 15 de decembro de
1.994 a Xunta de Galicia, concedeu a categoría de Concello a Burela,
pasando a ser vixente a tódolos efectos dende o 1 de xaneiro de 1.995.
Polo tanto Burela é un dos concellos
máis xoves do territorio galego.
Xeográficamente falando ,e para situar a Burela de forma
concreta, diremos que pertence á Mariña Lucense dentro da coñecida Rasa
, accidente montañoso que procede en
orixe de Asturias, e ven bordeando toda a Mariña Lucense pola costa.
Debido a todo esto a costa de Burela presenta zonas moi rochosas cun mar Cantábrico aberto.
Carecemos de estribación ou altura montañosa importante resaltando
únicamente " O Castelo ", moi visible e que se está a converter nun
mirador natural cunhas infraestructuras modernas para o disfrute dos
visitantes.
No solo de Burela atópanse abundantes rochas de tipo ácido
(características da nosa comunidade autònoma ) pero para os non
iniciados no tema, confirmarlles que asimesmo unha veta de escasa
profundidade percorre todo o subsolo de Burela, contendo " caolín " de mala calidade ocasionando serios problemas para a cimentación das vivendas.
Hidrográficamente somos moi pobres xa que non temos un río de relevancia.
O noso clima está catalogado dentro dunha zona climática de influencia
oceánica, polo que a proximidade ó mar reduce moitísimo a amplitude
térmica.Dentro do clima temos que facer referencia ó nordés que pode soprar tanto en inverno coma en verán e verdadeiramente resulta molesto.
Sobre a nosa arboleda señalar, que o pino e maioritariamente o
eucalipto foron adueñándose do bosque e xa non queda prácticamente
ninguna árbore autóctona nin explotación agrícola de importancia.
Burela hoxe é unha entidade de población que ronda os 10.000
habitantes e o seu crecemento pódese catalogar de espectacular. Trátase
dunha vila residencial e ó mesmo tempo puramente industrial. Contamos
tamen cun moderno hospital para atender a población da Mariña.
O noso Centro educativo, leva funcionando dende o curso 1.985/86
e consta de dous modernos edificios onde se imparte educación infantil
e primaria. Un plantel que supera os vinte profesores encárganse
diariamente de atender a cerca de 210 alumnos. Mencionar tamén que
contamos con aulas para inglés, música, relixión e psicomotricidade. As
clases de Educación Física impártense nun pavillón municipal que temos
ó lado. O centro conta cun amplo patio no que cohabitan tranquilamente
unha centena de especies arbóreas autóctonas co alumnado nos períodos
de lecer , un invernadoiro axúdanos a motivar ó alumnado de cara
a consecución de alimentos cada vez máis sans e naturais. Pistas
deportivas,parque infantil, fosos de area… complementan o espacio no
que todos disfrutamos a hora do recreo.
Copyright © por CEIP Vista Alegre Tdo-los dereitos reservados.
