Fervelliño » Deportes

Xogamos ao atletismo: programa Xogade

admin — Thu, 16 Apr 2015 17:06:51 +0000

A campaña de actividade lúdico deportiva XOGADE (xogos galegos deportivos en idade escolar), é unha iniciativa promovida pola Xunta de Galicia, co obxectivo de levar a actividade a todos os concellos galegos e brindarlles aos escolares a posibilidade de practicar e competir cos clubs e colexios de toda a comunidade autónoma.
O martes 14 de abril de 2015 os alumnos de quinto curso de E. Primaria participamos na actividade de atletismo no Estadio da Xuventude de Pontevedra.
Clasificación dos colexios que participaron o día 14 de abril na actividade de atletismo en pista no CGTD.

O colexio que obtivo máis puntos, o CEIP A Xunqueira Nº2, GRUPO 1, queda clasificado directamente para a final provincial que será o vindeiro 26 de maio de 2015 no CGTD de Pontevedra.

XADREZ NA RÚA – XADREZ SOLIDARIO 2011

admin — Sat, 28 May 2011 18:06:13 +0000

Onte 27 maio de 2011 celebramos a actividade XADREZ NA RÚA – XADREZ SOLIDARIO na praza da Ferrería de Pontevedra. XADREZ NA RÚA – XADREZ SOLIDARIO, naceu no ano 2010 como unha actividade conxunta de catro colexios: CEP A Xunqueira Nº 2, CEIP Campolongo, CEIP Froebel, CEIP Vilaverde-Mourente e a Escola de Xadrez de Pontevedra, este ano incorporánronse o CEIP Manuel Vidal Portela e o CEIP Parada- Campañó, moitas grazas pola vosa participación. Cada xogador colaborou, voluntariamente, coa doazón dun quilogramo de alimentos non perecedoiros que foron entregados ao comedor de San Francisco de Pontevedra. Houbo unha moi boa participación para ser un venres e con moita calor. Estaban previstos sobre 270 rapaces, aínda que faltaron algúns , outros foronse incorporando, e todo aquel que quiso puido xogar.
O noso agradecemento á Concellería de Educación do Concello de Pontevedra, á F.A.N.P.A. e a Escola de Xadrez de Pontevedra, sen a súa colaboración non poderíamos levar a cabo a actividade.
Aquí temos tódalas fotos que fixemos da actividade “XADREZ NA RÚA – XADREZ SOLIDARIO”

Velaí vai outro álbum de fotos:

XADREZ NA RÚA – XADREZ SOLIDARIO

admin — Fri, 01 Apr 2011 21:28:54 +0000

O 27 de maio de 2011 temos pensado realizar a actividade XADREZ NA RÚA – XADREZ SOLIDARIO.

View this publication on Calaméo

Publish at Calaméo or browse the library.

A actividade terá lugar na praza da Ferrería de Pontevedra o día 27 de maio de 2011 das 17 ás 19 horas. Cada rapaz que participe recibirá unha camiseta e unha medalla. Cada participante colaborará, voluntariamente, coa doazón dun quilogramo de alimentos non perecedoiros que serán entregados ao comedor de San Francisco.

Poderán participar todos os alumnos de E. Primaria que queiran, sen máis límite que a capacidade da carpa que se montará ao efecto: 400 alumnos. No caso de que se superase esa cantidade, a organización poría unha ratio por colexio.

Cada rapaz xogará tantas partidas como poida no tempo sinalado (das 17 ás 19 horas) con outros de distinto colexio ao seu.

Haberá, ademais das partidas, outras actividades como son explicación dunha partida por parte dun mestre internacional de xadrez, xogo dunha partida nun xadrez xigante e algunha outra sorpresa.

A inscrición dos colexios farase no seguinte e-correo: cep.xunqueira2@edu.xunta.es

Data límite da inscrición 6 de maio de 2011.

XADREZ NA RÚA – XADREZ SOLIDARIO, naceu no ano 2010 como unha actividade conxunta de catro colexios: CEIP Campolongo, CEIP Froebel, CEP A Xunqueira Nº 2 e CEIP Vilaverde-Mourente. Podedes ver as fotos desta actividade no ano 2010 e máis información nos seguintes enlaces:

http://centros.edu.xunta.es/cepaxunqueiran2/blog/?p=7

http://www.blogoteca.com/nlcampolongo/index.php?cod=83131

Fotos das actividades lúdicas nas I Xornadas dos ENDL do Concello de Pontevedra

admin — Fri, 01 Apr 2011 15:19:01 +0000

Se queres ver máis fotos, a nota de prensa e agradecementos, preme aquí.

Actividades lúdicas nas I Xornadas dos ENDL do Concello de Pontevedra

admin — Wed, 02 Feb 2011 18:43:52 +0000

Nota: Este artigo irase actualizando segundo se confirmen datos e aumente a información.

Calquera consulta: enlpontevedra@gmail.com

Data celebración das Xornadas: do 14 ó 18 de marzo.

Lugar de celebración: O espectáculo musical para os de Infantil (con Migallas) farase o martes 15 no Teatro Principal. Faranse dous pases, un ás 10 h. e outro ás 11:30 h. Os colexios que comecen as clases as 09:30 h, terán preferencia para o segundo pase: CEIP de Campañó, CEIP Cabanas, …

Os xogos populares para Primaria faranse o mércores 16 de marzo. Hora de confirmación da chegada: 10:15 h. Hora de comezo dos Xogos: 10:30 h. Hora de remate: 13:00 h.

Lugar de celebración: Alameda e Avda. Montero Ríos.

Lugar de encontro para os Xogos: Palco de Música, no centro da Alameda.

Colexios e nº de participantes nas dúas actividades.

Actualización das xornadas.

Plano dos Xogos.

Fichas dos Xogos Programados.

Estacións.Fotos.

Monitores das actividades.

Fonte onde poder beber.

Persoeiro homenaxeado : Xoán Manuel Pintos.

Os centros que precisen autobús, deberán comunicárllelo ó Concello:

Telef: 986 863 157

normalizacionlinguistica@concellopontevedra.es

Prégase o máis axiña posible, que os centros manden un listado numerado do alumnado que virá as xornadas e do mestre encargado. Indicar o nivel do grupo (curso).

Recordamos que imos aproveitar para mesturar os grupos, coa finalidade de facer tamén algo de convivencia. A primeira distribución dos grupos farémola os organizadores, logo avisaremos de como tedes que repartilos vós nas diferentes estacións.

Cada grupo escolar podería traer un distintivo:camiseta, biseira,pano … para que os monitores souberan a que colexio pertencen.

En cada estación haberá un mestre ó lado dos monitores que dirixirán a actividade (alumnos do Ciclo TSFAAD do IES Sánchez Cantón)

Podedes deixar tamén un correo electrónico persoal do responsable e un teléfono para axilizar as cousas nas datas próximas ás xornadas.

A PARVA: Fárase un descanso de 20` despois do 3º xogo para tomar a parva.

BAÑOS: Están habilitados os baños do Concello para este evento.

O alumnado fará un só circuito, o que lle toque.

Habilitaranse para ese día os baños do Concello de Pontevedra na Praza de España.

Artigos relacionados:

Acto de inaguración do Ano Xoán Manuel Pintos.

Libro de xogos.

Xogos no Renacemento (Brueguel).

Xogos de sortes.

Banco de Actividades dos EDNL para as Xornadas (exporanse o luns no Concello).

Vocabulario de Pintos.

Información no blogue da CEDNL da Comarca de Pontevedra.

Máis fichas de xogos.

I XORNADA INTERESCOLAR DE XADREZ – XADREZ NA RÚA

admin — Sat, 20 Mar 2010 19:47:35 +0000

Este ano catro centros educativos: C.E.P. A Xunqueira nº 2, C.E.I.P. Campolongo, C.E.I.P. Froebel , C.E.I.P. Villaverde – Mourente e a Escola Municipal de Xadrez organizámola xornada de xeito experimental. Aqueles centros que queiran incorporarse a esta iniciativa ou a outra semellante para vindeiras xornadas podedes comentalo aquí mesmo para telo en conta.

Aquí temos tódalas fotos que fixemos da actividade “Xadrez na Rúa”, tanto o día da presentación como o día da xornada.

Gustouvos a actividade? Queredes repetila para ó ano que ben?. Se tedes algún comentario que queriades facer, contar algunha anécdota, facer algunha crítica, etc. Podedes facelo aquí.

Podes ler aquí os beneficios da práctica do xadrez.

Se queredes aprender a xogar ao xadrez velaí vai un curso para principiantes:
Xadrez 1 , Xadrez 2

Deixamos, tamén, a explicación nun vídeo youtube, do Xaque mate da Ópera, de Paul Charles Morphy que vimos na praza co xadrez xigante: