Tivémo-la gran sorte de poder ter no noso centro a Antón Cortizas. Previamente á súa visita, o alumnadodo dos tres primeiros cursos estivo traballando aquelas obras adaptadas ós seus niveis, prestando un especial interés ó libro "Contos de vento e de nunca acabar". Realizáronse ilustracións sobre as súas obras e elaborouse unha actividade CLIC sobre este último libro, que o alumnado realizou na aula de informática.

Preme para descarga-la actividade 

   Durante a súa visita os nenos e nenas tiveron a oportunidade de pasar unha hora de lecer xogando coas palabras, recitando os poemas e os trabalinguas que tanto lles gustaron:
          "A pega rebuldá
           puxo un ovo na quintá
           puxo un e rebuldou
           puxo dous e rebuldou
           puxo tres e rebuldou..."        

   Resultou altamente gratificante este encontro. O autor conectou moi ben co alumnado que, en todo momento, estivo moi interesado e colaborou  nas distintas propostas do autor. Antón Cortizas non só asinou os libros ó alumnado; tamén lle pedimos que nos deixara unha pequena pegada do seu paso polo noso colexio.