Como vén sendo costume, dende o Departamento de Cultura de Boiro e en colaboración con tódolos Centros e unitarias do Concello, diseñáronse unha serie de actividades para celebrar de xeito conxunto esta festividade.
    En cada curso, tivemos que elaborar unha prenda de roupa en cartolina cun lema positivo, e noutra cartolina de cor negro, escribir un lema negativo. Preparamos tres cancións de temática pacifista.

   O 30 de xaneiro, na Praza do Concello, nunha gran lavadora os nenos e nenas representantes de cada colexio e unitaria foron introducindo os aspectos negativos na lavadora e colgando nun gran tendal a peza de roupa onde destacaban as ideas positivas. Cantamos e soltáronse pombas. No noso Centro tamén se realizaron murais e lemas que colgaban nas portas e corredores.