Neste curso a Semana Cultural tivo lugar dende o 7 ao 16 de maio. O primeiro ciclo realizou unha visita á fábrica de conservas Jealsa; o alumnado do segundo ciclo viaxou a Rianxo para coñecer a Aula do Mar e unha visita guiada por este pobo, berce de grandes escritores; o terceiro ciclo visitou Cartogal en A Pobra.
     Contamos coa colaboración do grupo de baile rexional da A.N.P.A do Colexio e o coro"Virxe de Loreto" de Cespón. Grazas á colaboración de Caixanova tivemos a oportunidade de viaxar polo universo dentro dun estupendo planetario.
    Foron múltiples e variados os obradoiros: de ilustración, animais con pipas, moedeiros e imáns con goma eva,  chapas, colares e pulseiras,...
    Sen dúbida, a homenaxeada deste ano no Día das Letras Galegas, María Mariño, centrou moitas das actividades con  obradoiros literarios, actividades JavaClic e outro tipo de tarefas colgadas na rede dentro da páxina do Centro.

    Unha das actividades estrela, pola gran acollida entre o alumnado é o tradiconal xogo de pistas que fomenta a colaboración e cooperación  do alumnado dentro dos distintos ciclos. Son tamén os xogos populares outra das atraccións enmarcadas na nosa semana ano tras ano, grazas á colaboración de monitores do Departamento de Deportes do Concello de Boiro.