Ano tras ano, e seguindo o Plan de Autoprotección, leváronse a cabo diversas evacuacións no Centro. Este ano, á hora de redactar o Plan Xeral, detectamos  que había certas actuacións que tiñamos sen contemplar, polo que pedimos o asesoramento dos bombeiros do noso Concello.

      Xunto con eles acordamos data e hora de evacuación. Parte do equipo de bombeiros estivo no colexio recorrendo as diversas dependencias, escaleiras, entradas, portas de acceso e saída, así como  observando os posibles erros á hora de realizar a saída. Outra parte dos profesionais do corpo, en canto recibiron a chamada da evacuación, saíron das súas instalacións, para controlar o tempo do traxecto. Unha vez no colexio, equipados con camións e coa axuda de Protección Civil, ensináronlle ao alumnado os útiles que levaban nos distintos camións, e incluso lles deixaron manexar as mangueiras da auga, da escuma, probar as mascarillas do aire, os cascos,...