DEPARTAMENTO DE ORIENTACIÓN

¿Que é a orientación educativa e profesional?

Son os apoios sistemáticos e especializados que se ofrecen á comunidade educativa desde o inicio da escolaridade dos rapaces e rapazas na educación infantil ata o remate dos estudios non universitarios. isto integra apoios psicopedagóxicos ó desenvolvemento persoal e ás aprendizaxes escolares, e apoios ligados á orientación académica e profesional. Estes últimos consisten en traballar co alumnado para axudarlle a lograr a maior concordancia posible entre os seus intereses, capacidades e expectativas, e as características e saídas profesionais dos distintos itinerarios formativos que ofrece o sistema educativo.

¿ A quen vai dirixida?

A orientación educativa e profesional vai dirixida a toda a comunidade educativa:

• Ò alumnado no ámbito persoal, educativo, social e profesional. No seu proceso educativo para melloralo ou para axudarlle a superar dificultades, e para que desenvolva adecuadamente todas as súas capacidades (relacionarse cos demais, coñecerse a si mesmo, relacionarse co contorno físico, ser autónomo para aprender...). Ademais, mediante a orientación educativa e profesional, os alumnos e alumnas reciben unha formación que lles permite tomar decisións á hora de establecer o seu propio itinerario formativo dentro de calquera das múltiples opcións que ofrece o sistema educativo.
• Ó profesorado no apoio a función titorial e orientadora.
• Ás familias ,que poden recibir información e orientación para colaborar no seu proceso educativo dos seus fillos e fillas, non só en aspectos escolares puntuais, senón tamén para o seu desenvolvemento persoal e sobre o futuro que máis lle convén, superando estereotipos e conforme ás súas capacidades, intereses e motivacións.

¿ Que funcións realizan os departamentos de orientación?

Os departamentos de orientación deben realizar as funcións que se resumen a seguir:

• Valorar as necesidades educativas do alumnado no ámbito da orientación e deseñar, desenvolver a avaliar programas específicos de intervención.
• Elaborar o plan de orientación académica e profesional e o plan de acción titorial dos centros.
• Participar na organización de atención ó alumnado con necesidades educativas especiais e colaborar na elaboración, seguimento e avaliación das adaptacións curriculares individuais e das medidas de atención á diversidade.
• Deseñar accións encamiñadas á atención temperá e á prevención de dificultades ou problemas de desenvolvemento ou de aprendizaxe derivados tanto de condicións desfavorables como de altas capacidades que presenten os alumnos e alumnas.
• Prestar o apoio e asesoramento necesarios para adquirir habilidades básicas de vida e enfrontar os momentos escolares máis decisivos ou de maior dificultade, como o ingreso no centro, o cambio de ciclo ou etapa, a elección de optativas ou itinerarios formativos, a transición á vida profesional e a resolución de conflictos de relación interpersoal.
• Promover a cooperación entre o centro e as familias, implicándoas no proceso educativo dos seus fillos, especialmente no relativo a motivación, ó coñecemento de si mesmos, á autoestima e ó proceso de toma de decisións.

¿Como se orienta a todo o alumnado?

Todos os alumnos non necesitan ser atendidos directamente polo orientador. A atención básica de orientación realizase a través do plan de acción titorial propostos polo departamento de orientación. O responsable de levar a cabo este plan é o profesorado titor, mentres que ó orientador correspóndelle realizar o seu seguimento, achegar materiais de apoio á función titorial e deseñar programas de intervención sobre aspectos como a mellora da comprensión lectora, do razoamento, da convivencia nas aulas, etc. Así, no desenvolvemento das súas funcións, o orientador conta con todos os profesores e profesoras titores do centro.

E importante indicar que o alumnado da educación secundaria obrigatoria ten, dentro do seu horario escolar, unha hora semanal de traballo co seu profesorado titor para realizar as actividades e programas que conforman o plan de acción titorial do centro.

Ademais, o alumnado é atendido directamente polo orientador sempre que o necesite e, especialmente, cando se deben valorar aspectos psicopedagóxicos para deseñar e darlle a un alumno determinado unha atención educativa máis individualizada. É o caso do alumnado con necesidades educativas especiais, ó que o orientador lle fai unha avaliación psicopedagóxica para decidir as medidas de adaptación curricular que necesita.

Igualmente, o orientador valora aspectos psicopedagóxicos daqueles alumnos do segundo ciclo de educación secundaria obrigatoria que son propostos polo equipo de profesores do seu grupo para seguir un programa de diversificación curricular ou un programa de garantía social.

Voltar a índice