 |
CPI
COVATERREÑA DEPARTAMENTO
DE ORIENTACIÓN
|
DESENVOLVEMENTO FÍSICO, EMOCIONAL
E SOCIAL DOS NENOS.
O neno ou nena obtén a súa
seguridade de dúas fontes: o cariño dos seus pais e da imaxe
que ten de si mesmo. Por esta razón, é conveniente seguir estes
consellos aínda que sexa difícil, sobre todo, despois dunha
dura xornada laboral, pero son conductas as que debemos tender.
- Móstrese interesado polas súas
cousas.
- Ensinelle a asumir
responsabilidades.
- Atenda o que diga.
- Axúdelle a ter en conta os
desexos dos demais.
- Convénzao que con esforzo se
pode resolver case todo.
- Evite todo tipo de comparacións,
especialmente cos seus irmáns.
- Axúdelle a recoñecer, aceptar e
correxir algunhas das súas conductas.
- Gardade os pequenos regalos que
vos fagan, por exemplo: debuxos, e ensinarllos de cando en vez,
mostrándollelo voso agradecemento.
A SÚA SOCIOABILIDADE
- Axudade ó neno ou nena a
facer amigos, porque nada contribúe máis ó seu
desenvolvemento e autoconsideración.
- Loubádeo cando se relacione,
xogue con outros e ou comparta cousas.
- Contádelle contos, historias,
exemplos do bo e necesario que é ter amigos.
- Xogade con el ou ela facendo
que sodes outra ou outras persoas, de xeito que teñan
que adoitar distintos comportamentos.
- Buscade a mellor maneira de
introducilo en xogos e actividades de grupo, presentándolle
novos amigos e facilitándolle entornos onde o poidan coñecer.
- Facede que se lembren de dar
as gracias e de pedir as cousas por favor.
- Dade exemplo: falade, xogade,
sede afectivos co neno e cos adultos.
ENSINÁDEOS A AGUANTAR:
Case todas as familias queren
evitar que os seus fillos pasen polas experiencias negativas que
a eles mesmos lles tocou vivir. Pero como estas se impoñen na
vida demasiadas veces, é necesario que os nenos e nenas teñan
un certo grao de fortaleza que lles permita aguantar as
experiencias amargas que lles toque vivir.
- Axudádeos sempre que volo
demanden, pero non fagades as cousas por eles.
- Non cedades ante os seus
caprichos.
- Non tema dicir "non"
sempre que o crea aconsellable.
- Propiciade que espere un tempo
antes de conseguir algo q ue desexa: un xoguete, unha
comida...
- Fágalle probar comida que
nunca probou.
- Atenda canto antes calquera
posible problema: físico, académico...
- Esíxalle compartir os
xoguetes cos seus irmáns e amigos.
- Ensinádelle a aforrar cartos
cando queira mercar algo máis caro do habitual.
- Esíxalle a realización de
pequenas tarefas ante peticións extraordinarias.
- Non dar a un neno ou nena nada
que pida chorando. Premialo e concederllo cando deixe de
facelo.
- Limitade razonablemente o
tempo que adica a ver a televisión e a xogar con "aparellos
eléctricos".
- Coidade que faga as súas
tarefas escolares, pero non as facer por el ou ela.
- Inicialos en pequenos detalles
hacia os demais, por exemplo: non facer ruído cando os
demais están durmindo, respectar o estudio dos irmáns.
E, sobre todo, establecer criterios
claros entre os pais para que os fillos os asuman e se convertan
en hábitos: horario de deitarse, comidas....
FOMENTEMOS OS BOS HÁBITOS:
- Procurade que aproveiten o
deporte como unha boa ocasión para aprender a convivir:
respectar as reglas de xogo, evitar palabras groseiras
cando se perde, disfrutar máis do xogo que do premio,
entender os fallos dos demais.
- Estimular a ilusións por
afeccións, lecturas... que os entreteñan e os axuden a
formarse.
- Moitas veces non é difícil
comezar algo, senón continualo e levalo ata o seu fin.
Hai que animar ós fillos a rematar aquilo que se empeza.
- Inculcarlles ó respecto hacia
todas as persoas, sexan como sexan e non permitir que se
burlen deles nin que lles poñan alcumes.
- Facer que pida desculpas se
pega ou insulta. O enfado e o desacordo débeo mostrar
dun xeito socialmente aceptable.
- Atendelos sempre no momento
que volo pidan e, senón é posible, decirlles cando
estaremos dispoñibles. Adicarlles pequenos momentos e
compartir actividades xuntos.
- Hai que animar ó neno ou nena
a que xogue con outros e se comunique para ir aprendendo
regras convencionais, incrementar a linguaxe social e
desenvolver o seu pensamento.
- Estimular os pequenos
proxectos que teñan con palabras alentadoras para
potenciar as súas iniciativas sempre que sexan
convenientes.
- Axúdaos a colocar cada cousa
no seu sitio.Na habitación poden ter cestas e baúis
onde eles poidan gardar os seus xoguete.
- Habitualos a coidar o aseo e a
roupa. Motivalos con cousas positivas cando cumpran coas
pautas de orde: un postre, unha película...
- Non todos os nenos á mesma
idade son capaces de facer o mesmo, polo que hai que coñecer
a cada fillo e filla de forma individual por medio da
observación e da comunicación.
- Explicarlles que cada un é
diferente de outro, ninguén é igual e perfecto e, por
iso, nos comportamos de modo diferente.
VOLVER Ó INDICE