DEPARTAMENTO DE ORIENTACIÓN

EDUCACIÓN INFANTIL Orientacións para as familias.

• O neno coa súa entrada na escola vai formar parte dun mundo social máis amplo que o da súa familia.
• Isto vai ser moi beneficioso para o neno porque vai aprender a convivir e a relacionarse con coñecidos e extranos.

¿ Que deben facer as familias ante a entrada do neno ou nena na escola?

• Temos que falarlle o noso fillo ou filla do seguinte xeito : " Dentro de pouco irás á escola como os nenos grandes, alí poderás coñecer a outros nenos e xogar con eles, e ademais aprenderás moitas cousas". Sempre transmitirlle unha imaxe atractiva do colexio.
• No mes de xuño podedes polas tardes traer ó neno ou nena a dar un paseo arredor da escola e mesmo as dúas da tarde deixarlle ver ós nenos/as cando saen a comer.
• Nunca lle diremos " acabouse a boa vida". Se os pais se compadecen e mesmo choran por él pois el ou ela pensarán que o deixan nun sitio "malo" e negarase a aceptalo.
• Nos primeiros días de escola seguramente haberá sentimentos de nervosismo e ansiedade por parte dos pais e dos nenos. Os pais e nais tedes que ser moi bós actores e actrices para ocultar esas emocións.
• Se os vosos fillos e fillas perciben que os deixades nun lugar que sinten como "malo" sufrirán máis (se chora non debemos chorar os pais). Debemos sorrirlle para que vexa que nós sabemos que é bo para él quedarse no colexio.
• Na despedida non lle prometer algo a cambio de que se quede (traereiche un agasallo cando veña a buscarte, vou compralo) nin o enganedes ( só vou facer a compra e volvo axiña). Non é conveniente deixar ó neno ou nena na escola sen dicirlle o importante que é para él estar aquí. Deste xeito, só lle transmitides que espere porque cando o recollen terá un regalo, ou que non tiveches máis remedio que deixalo mentres faciades algún encargo...
• Debedes dicirlle adeus sorrindo e explicando "ímonos traballar, xoga cos nenos, despois virémoste buscar". Darémoslle un bico e irémonos o antes posible.Prolongar o momento da despedida, só serve para prolongar a angustia.
• Se o neno ou a nena recibe a mensaxe de que os seus pais van traballar mentres é tamén se queda traballando e ve que non o enganan, senón que lle sorrín, poderá sentirse seguro.
• Axiña deixará de chorar ó despedirse dos seus pais, e mesmo quererá seguir xogando cos seus amigos máis tempo.
• O horario do neno seguramente terá que modificarse en función das súas necesidades. Haberá que ter en conta que a hora de entrada á escola é ás nove da mañá. Terá que deitarse a unha hora que lle permita despertarse só pola mañá, para que comece o día tranquilo, despexado, de bo humor. Temos que ter presente que se cansará máis que na época anterior, cando xogaba na casa.
• Tamén será normal que o neno ou nena como con máis gañas que antes xa que queimará máis calorías, e polo tanto terá máis apetito.
• Por outra banda, a familia ten que comprender que non todo o mundo será capaz de comprender e acomodarse ó neno como se fai na casa. As profesoras teñen moitos alumnos e alumnas que atender.
• Dicirlle que ante calquera problema que teña o neno ou a nena, por favor, fagánolo saber.
• Non deixar que o neno ou a nena se crea que ir á escola é negociable, porque despois pódense presentar serios problemas de asistencia. Debedes ser "enérxicas" e se fai falla traelo a medio vestir para que el vexa que non cededes.
• Se os nenos ven que frouxeades quererán saírse coa súa noutros asuntos e serán cada vez máis esixentes.Se comezan a faltar perderán o hábito de vir ó colexio e se veñen despois estarán máis inseguros e irritables. Evidentemente a excepción para faltar é a enfermidade.
• Ö comezar esta nova etapa da vida do neno, hai que ensinarlle a ser autónomo preparando él ou ela a mochila e levándoa el. En casa, debe haber un sitio, para que el ou ela a deixe.

Voltar atrás