O día 28 de marzo visitounos Antonio García Teijeiro, un poeta nado en Vigo que exerce a critica como especialista en literatura infantil nos xornais e revistas máis importantes de Galicia. Polo libro "Cacarabín, Cacarabón" foi considerado pola Fundación Germán Sánchez Rúperez entre os cen mellores poetas do século pasado. Aos nenos de educación infantil e 1º ciclo de primaria contoulles varios contos. Aos nenos de 2º e 3º ciclo de primaria faloulles da poesía, de como elaboraba os seus textos, na libreta como corrixía dunha forma lúdica e didáctica á vez. O grupo de teatro do centro cultural formado por nenos do colexio representaron a obra " Aires Sonoros" do autor. A continuación podedes ver fotos do encontro co poeta.