Actividades

1. CRÓNICAS DE ACTIVIDADES 1. O MAGOSTO 2005

Todos os anos a principios ou mediados de novembro celebramos o magosto no colexio. E como este ano non íamos cambiar a tradición tamén o festexamos, esta ocasión o día 9 de novembro, porque aínda que en principio ía ser o día 8, por cuestións climatolóxicas tivemos que atrasalo.

Como todos os anos os alumnos ese día levamos as castañas e a leña.

Pola mañá tivemos clase normal, ata despois de comer, hora na que algúns alumnos e alumnas de 3º e 4º da E.S.O acompañados de algún profesor en lugar de subir a clase, quedaron abaixo para asar as castañas e preparar todo.

As catro da tarde avisáronnos a todos para que baixasemos, e todos os profesores e alumnos nos xuntamos no patio ó lado do lume para comer as castañas e falar un pouco, todo isto acompañado dun pouco de música. Así pasamos unha tarde divertida e celebramos a nosa particular festa da castaña

8. CRÓNICAS DE ACTIVIDADES 2. O FESTIVAL DE NADAL 2005

O día 22 de decembro celebrouse o festival de Nadal no CPI de Seoane. Comezou sobre as 11:00 da mañá e rematou á 01:0

Este ano as presentadoras foron Noelia e Patricia, dúas rapazas de 4º de E.S.O que comezaron presentándonos a obra de teatro de infantil, primeiro e segundo de primaria. O seguinte acto foi cos alumnos de terceiro e cuarto de primaria que nos cantaron unha canción, e tamén os alumnos de quinto e sexto que tocaron unha panxoliña coa frauta. Seguimos coa música, pero esta vez no karaoke, os alumnos de 1º, 2º e 3º de E.S.O. cantáronnos dúas cancións coa súa marabillosa voz

Despois, os alumnos de 1º, 2º, e 3º de E.S.O fixeron un programa chamado “telemacuto, noticias ó minuto”, no que nos fixeron rir a esgalla, foi todo unha verdadeira comedia, por suposto, cuns actores excelentes que o fixeron xenial.

Para rematar, as alumnas de 4º de E.S.O cerraron o festival cun baile.

As presentadoras despedíronse de nós e desexáronnos un feliz Nadal a todos.

9. ENTROIDO 2006

17. CRÓNICA DUN FIN DE CURSO ANUNCIADO

Unha vez máis por estas datas, voltamos a vista atrás para comprobar cómo transcurriu o curso para os grupos de Primaria.

Podemos comezar a noso percorrido cronoloxicamente, comentando, por exemplo, a excursión a Lugo. Dita excursión fora programada nun principio, entre outras actividades, para ir ver unha sesión de teatro no salón de actos do Colexio das Josefinas tal e como se viña facendo anos anteriores, pero houbo que variala por causas alleas a nós. Logo de ver outras posibilidades, substituímos o teatro por una visita a Bonxe, onde puidemos aprender nun taller que alí hai, cómo se traballa o barro artesanalmente. Parecía un milagre cómo un puñado de barro traballado sobre o torno, transformábase nesta ocasión nun peto poucos minutos máis tarde, outros acabaron sendo olas, vaixelas,... Quedamos encantados.

Dalí fomos a Begonte, a ver un belén moi especial que teñen alí exposto por esas datas, aínda próximas ao Nadal. Pareceunos curiosísi-

mo. Todas as figuras tiñan movemento,estaban represen-

tados todos os oficios, facíase día, noite, de súpeto caía unha treboada e ata nevaba.

Xa á hora de xantar fomos a comer ao Centro Comercial as Termas, que había pouco inauguraran. Alí vimos unha réplica do mosaico romano que descubriran baixo unha das rúas luguesas. Demos unha volta por alí e voltamos a Seoane coa sensación de ter disfrutado dun día especial. Logo nos esperaba un traballo na aula co que fixar todo o aprendido aquel día.

Obviamente estamos a falar de actividades extraescolares e complementarias que non foran habituais de cursos pasados e que nos gustasen especialmente, un exemplo máis foi o taller de elaboración de papel que fixemos no patio. Tamén nesta ocasión participamos os nenos e nenas de 1º a 6º de Primaria. Foi moi divertido ver cómo a partir da mestura de fibra de algodón conseguiamos papeis de cores e decorados do xeito especial ( con follas, lá,...)

Nin que dicir ten que fixemos multitude de actividades varias relacionadas coas celebracións propias da zona e estación, tales como o Magosto, co tradicional asado de castañas no patio; o Festival de Nadal, no que nesta ocasión cantamos panxoliñas con acompañamento de frauta e outras incluso en inglés; Halloween, no que fixemos uns murais tamaño natural onde apareciamos disfrazados;

agasallos para a familia aproveitando

celebracións coma as do Día do Pai

ou o da Nai; participamos no concur-

so do ía do Libro, e moitas actividades

máis