Baloncesto (100)

NOVA XORNADA PARA OS EQUIPOS DE BALONCESTO

A pasada fin de semana os nosos equipos disputaron partidos fronte a rivais moi superiores, pero unha vez mais deixaron moi claro o seu espíritu de loita e fixeron todos eles unha grande labor.

O equipo Alevín Masculino xogaba fronte a un dos primeiros clasificados, Xinzo, e pese a intentalo todo, a diferencia física sobre todo, impediunos obter un millor resultado. Cabe destacar que nalgunhas fases do encontro os nosos xogadores foron capaces de mostrar un bo xogo e en xeral de competir durante todo o encontro, pese a diferenza no resultado.

O equipo Alevín Femenino, unha semana mais, contou con varias e importantes baixas, polo que tivemos que subir a unha xogadora benxamín,  a maiores das dúas que xa o fan habitualmente cada xornada. O partido foi dominado totalmente polo equipo do Colexio Mariano de Vigo, que mostrou unha intensidade defensiva altísima, o que nos dificultaba moito o noso movemento do balón. Pese ó resultado en moitas fases do encontro póidose apreciar a evolución mostrada polas nosas xogadoras en moitos aspectos, xogo colectivo, lectura de xogo, espacios en ataque, axudas defensivas, etc, pequenos pasiños que están a dar as nosas xogadoras, que nos permiten ver que as cousas se están a facer ben, aínda que queda moito traballo por diante.

Por último os nosos peques, de novo demostraron, a magnífica tempada que están a facer, e que teñen moito futuro por diante se seguen traballando como o fan cada día.

Xogaban fronte o equipo do A.B.O.,que na primeira volta nos vencera por máis de trinta puntos. O gran partido dos nosos rapaces permitiunos perder por moita menos distancia e deixando unhas sensacións moi positivas, non só pola loita e a entrega de todos, se non tamén polo magnífico xogo desplegado. Un xogo no que prevalece en todo momento o conxunto ás individualidades. A verdade é que da gusto velos xogar e disfrutar cada partido.

PARTIDOS DA PASADA FIN DE SEMANA

Esta pasada fin de semana os nosos equipos disputaron entre todos un total de catro partidos.

 O equipo Benxamín Mixto tivo dobre xornada na nosa casa , xa que disputou un encontro na mañá do sábado e outro na do domingo.

No partido do sábado acadaron unha nova victoria, neste caso fronte o equipo das Franciscanas, nun partido que dominaron dende o principio, aínda que sempre con pequenas ventaxas, pero ao final o maior acerto nos tiros permitiunos escaparnos no marcador.

No partido do domingo pese a que o intentaron en todo momento e nunca se deron por vencidos, o físico dos rapaces do Barco impúxose e pese ó gran partido que fixeron os nosos xogadores non puidemos lograr a victoria.

O equipo Alevín Masculino xogou quizais a mellor primeira parte da tempada na que competiu moi ben co equipo de Carmelitas, incluso ó remate do primeiro cuarto estabamos por diante no marcador. Pero o grande esforzo feito, pasounos factura na segunda parte na que baixamos moitísimo o nivel defensivo, e xa non tivemos opcións ningunha de victoria. Agora a seguir traballando para ser capaces de aguntar ese nivel todo o partido.

 O equipo Alevín Femenino afrontaba un novo derbi ourensán na Liga Galega, neste caso fronte o equipo de Carmelitas. Despois dun primeiro cuarto no que non puidemos parar as súas xogadoras grandes, no segundo, no que o nivel físico dos dous equipos era similar conseguimos ganalo. A partires de ahí as diferenzas no marcador foron crecendo pese ós esforzos e ó bo xogo desplegado polas nosas rapazas, que cada día van a mais e xogan mellor.

 

NOVA XORNADA PARA OS NOSOS EQUIPOS

Despois do obligado parón nas distintas ligas polas vacacións de Semana Santa, a actividade baloncestística voltou a pasada fin de semana para dous dos nosos equipos.

O equipo Benxamín Mixto desplazouse ata Xinzo para xogar contra o cuarto clasificado, un moi complicado encontro. Pero o bo facer dos nosos rapaces fixo que se puidera disfrutar dun encontro mais igualado do esperado e que se decantou cara ó equipo local, pola diferencia física e, polo tanto,polo dominio do rebote en ambas canastas. De todos xeitos felicitar ós nosos xogadores que demostran cada partido a súa progresión.

O equipo Alevín Femenino tocáballe desplazarse a xogar a Vigo a xogar fronte un dos mellores equipos da Liga ,O Seis do Nadal, que conta cun equipo moi alto, con dúas rapazas na Selección Galega de Minibasquet, e que estará seguro, loitando polos primeiros postos nesta Liga F.G.B.

Ademais da dificultade do partido, engadiuse a baixa de Claudia, por uns problemas respiratorios e a de Icía, que se resentíu no quecemento dunha lesión no nocello. Con todos estos problemas, a verdade é que pouco puidemos facer no partido e pese a entrega e a loita das nosas xogadoras, a diferenza entre os dous equipos foi moi grande e non tivemos opcións ningunhas durante todo o encontro.

NOVA XORNADA PARA OS EQUIPOS DE BALONCESTO

Tres derrotas colleitaron os nosos equipos na pasada fin de semana, aínda que con sensacións moi distintas nos seus partidos. 

O equipo Alevín masculino quizáis disputou o peor partido da tempada, falta de intensidade defensiva, individualismo en ataque, é decir, o contrario do que adestramos. Pero un único partido non pode empañar a boa tempada que están a facer os nosos rapaces.

O equipo Benxamín tiña enfronte un equipo moi superior e non tivo opcións de competir xa dende o principio.

Por último, o equipo Alevín femenino tiña enfronte, a un dos mellores equipos de Galicia, a Academia Celta. As nosas xogadoras pese a diferenza final no marcador, fixeron un auténtico partidazo. Competiron moi ben nos dous primeiros cuartos e deron a sensación de que o equipo vai nunha liña ascendente no seu rendemento, pese a todas as dificultades.

A próxima fin de semana os nosos pitufos da categoría benxamín teñen xornada de descanso. Os nosos Alevíns visitarán o venres a sempre difícil pista de Allariz e por último as nosas guerreiras, aproveitando o parón polas vacacións de Semana Santa acudirán ó Torneo Internacional de Baiona, xunto cos mellores equipos da nosa comunidade e algún equipo do país veciño de Portugal. Esta invitación a un dos torneos de máis prestixio na categoría de Minibasquet, supón un novo paso adiante do noso modesto clube, na súa intención de medrar cada día un chisco. 

 

XORNADA PARA OS NOSOS BENXAMÍNS

Esta fin de semana só disputou partido o equipo Benxamín, xa que na competición do  Alevín Femenino descansábase e o equipo Alevín Masculino aplazou o seu partido.

Foi un partido moi igualado, con constantes alternativas no marcador, ningún equipo conseguiu rendas superiores ós catro ou cinco puntos. Entrouse no derradeiro período con todo por decidir, pero nos momentos finais dúas canastas seguidas en contraataque, tras roubo de balón, permitíronos poñernos tres puntos por encima no marcador e pese a última canasta do equipo local, conseguimos unha merecida victoria, fronte un equipo que na primeira volta vencéranos por mais de vinte puntos.

Felicitar a cada un dos xogadores polo excelente traballo realizado durante todo o partido, intensidade defensiva e solidaridade en ataque, foron os aspectos mais destacados. Teño que incidir nun detalle xa comentado noutras ocasións, ¡¡ o ben que xoga este equipo pese a non adestrar ningún día os seus xogadores xuntos!!

 

NOVA XORNADA PARA OS EQUIPOS DE BALONCESTO

Non foi demasiado boa a fin de semana en canto a resultados se refire, xa que os tres equipos colleitaron sendas derrotas nos seus encontros, pero si que as sensacións foron moi positivas e penso que estamos a traballar polo bo camiño.

Todos os partidos disputáronse na matinal do domingo na nosa pista. Os primeiros en xogar os nosos benxamíns que unha vez mais demostraron o moito que están a mellorar e competiron de novo ata o final cun equipo, que na primeira volta nos gañara por case 30 puntos,e que neste escapóusenos nos derradeiros minutos do último período. Fixeron un partido espectacular, conseguindo moitas canastas despois de accións colectivas nas que tocaron o balón todos os membros do equipo, e en defensa aplicáronse moitísimo  e correximos certos erros que noutros partidos costábanos canastas moi sinxelas dos equipos contrarios. A miña noraboa ós cativos.

Logo era o turno para as nosas Alevíns nun derbi provincial fronte o equipo de Allariz, na segunda xornada da Liga Galega. Conseguimos competir os dous primeiros cuartos moi ben, pero a partir do terceiro as diferencias fóronse acentuando rápido e aínda que o intentamos todo, o equipo alaricano, moi ben traballado polos seus adestradores, conseguiron despegarse definitivamente no marcador.

O último partido enfrontaba ós nosos Alevíns contra o equipo do Barco, que se quedou as portas de accceder a Liga Galega por moi pouco. O partido preséntábase moi complicado, pero os nonos rapaces foron capaces de competir moi ben cun equipo moi superior físicamente e que nos outros partidos disputados, xa dende o principio acadara unhas distancias moi grandes. O reflexo desto é que no descanso a diferencia era tan só de 20 puntos.Na segunda parte a lóxica impúxose e as diferencias medraron, pero iso non empaña o excelente partido dos nosos rapaces.

NOVA XORNADA DOS NOSOS EQUIPOS ALEVÍNS E BENXAMÍN

A xornada comezou para os nosos equipos o venres. O equipo Alevín Masculino xogaba a primeira xornada da segunda fase en Xinzo da Limia. Tivemos un moi bo inicio de partido, no que gracias a unha defensa moi intensa permitiunos acadar no primeiro cuarto unha renda de 8 puntos.A partir de ahí o equipo local apretou e o partido foise igualando nos seguintes cuartos. Nos derradeiros períodos houbo varias alternancias no marcador, pero ningún equipo conseguía distanciarse no marcador. Así se chegou ós intres fináis cun partido moi igualado. Con dous puntos por debaixo no marcador, a falta de 2 segundos, tiñamos dous tiros libres para empatar o partido, erramos o primeiro e tiramos o segundo a fallar, coseguimos o rebote, pero o posterior tiro non quixo entrar.

As nosas Alevíns debutaban na Liga Galega fronte o equipo do Colexio Mariano en Vigo. Pese a intentalo todo e pelexar ata o final, o noso equipo non puido facer nada fronte a un rival moi superior. Nos tres primeiros cuartos, apenas conseguíamos dar dous pases seguidos, xa que a súa intensidade impedíanos xogar. A partir do descanso o equipo soltouse, olvidouse do sucedido na primeira parte e saíu a pista a disputar un novo partido. A cousa foi diferente e fumos capaces de competir, incluso os dous últimos períodos foron igualados. Éramos conscientes da dificultade desta fase, polo que , en certo modo, os resultados non nos importan demasiado, e o que buscamos é aproveitar a experiencia e mellorar en cada partido.

A xornada remataba o domingo co partido dos nosos benxamíns, que demostraron unha vez máis o ben que xogan en conxunto. A verdade é que da gusto velos xogar, tendo en conta que moitos empezaron a practicar o deporte este ano. 

Pese as derrotas dos nosos equipos hay que estar moi orgullosos de como traballan día a día e dos progresos que demostran.

Dende aquí darlle a noraboa a todos os xogador@s do clube e os seus pais, por suposto, pola implicación e dedicación. 

 

NOVA XORNADA PARA OS NOSOS EQUIPOS

Esta pasada fin de semán os nosos equipos Alevíns non tiveron xornada, tan só xogaron os nosos Benxamíns.

Afrontaban a última xornada da primeira volta fronte a un moi bo equipo, Allariz, que demostrou ser moi superior en todas as facetas do xogo e que nos superou con claridade dende o primeiro minuto de partido.

O feito de ter no equipo 6 xogadores que xogan este ano por primeira vez e ademáis non adestrar xuntos nunca, as rapazas adestran co Alevín Feminino e os rapaces co Alevín Masculino, non é o máis adecuado, pero as circunstancias desta tempada foron así. De cara a próxima tempada intentaremos mellorar esta e outras moitas moitas cousas e seguir medrando pouco a pouco, para ir crecendo cada día como clube.

Esta próxima fin de semana o Alevín Masculino, comeza a disputar a segunda fase da liga, na que se enfrontará os 8 equipos restantes que non se clasificaron para a Liga Galega. Disputaranse oito partidos a unha volta. Pola súa parte o Alevín Feminino comezará a disputar a Liga Galega, para a que se clasificou dun xeito brillante. No sorteo do pasado día 16 de febreiro quedamos encadrados nun grupo complicadísimo cos tres primeiros clasificados de Vigo e os xa coñecidos Carmelitas e Alllariz. O primeiro partido disputarémolo en Vigo fronte o equipo do Colexio Mariano. Nunha tempada na que as nosas rapazas xa fixeron moito máis do esperado, o único que se lles pode pedir e que disfruten desta experiencia e que sigan traballando como ata agora ou máis se cabe, para seguir mellorando individualmente e como equipo.

EL DIVINO MAESTRO LO HA LOGRADO

Como ben di o noso himno : El Divino Maestro lo ha logrado. O noso equipo Alevín Femenino despois da victoria da fin de semana na pista do I.E.S. Otero Pedraio fronte o Pabellón, logra meterse na Liga Galega Alevín Femenina.

Quizáis para outros clubes sexa unha obriga, unha rutina... pero para o noso humilde clube, con 5 anos de historia, isto supón un premio ó traballo ben feito de moita xente, principalmente das xogadoras, claro está. Estar entre os 18 mellores equipos de Galicia supón dar un pasiño más na evolución do Clube Depordima e tamén reforza a idea da creación dunha estructura deportiva seria, que esperemos poida lograrse no menor tempo posible.

O partido afrontámolo con moitísimas gañas, sabendo o que nos xogabamos, pero os nervios en moitas fases do partido atenazaron as nosas xogadoras, que cometeron algúns erros que noutra situación non se producirían. Aínda así o encontro dominámolo dende o principio con vantaxes entre os 4 e 8 puntos. A boa defensa unha vez máis foi clave para poder gañar o partido.      No último cuarto, xa un pouco máis tranquilas, empezamos a xogar na liña do que eu espero deste equipo, e así a diferenza medrou ata cerca dos 20 puntos. Tan só a relaxación nos últimos intres do partido permitiulles o equipo rival reducir as diferenzas.

Rematamos con este partido unha brillantísima primeira parte da tempada cun balance de 8 victorias e 4 derrotas e cunha sensación de ir cada día a máis, de mellorar en cada adestramento e ca sensación de estar facendo as cousas no camiño correcto, pensando no futuro.

Noraboa as nosas rapazas : Saray, Claudia, Lara, Icía, Paula, Ana, Uxía, Lucía Tiago, Alexia e as benxamíns Lucía Cid e Clara que nos axudaron en tódolos partidos e tamén a Aitana e Rut pola súa axuda en cada adestramento.

No outro partido da fin de semana, o noso equipo benxamín mixto, caía derrotado fronte o líder, Bosco Salesianos, que non nos deu opcións en ningún momento e mostrou unha gran superioridade. 

 

NOVA XORNADA PARA OS EQUIPOS DE BALONCESTO

A xornada comezaba para os nosos equipos co partido dos nosos Alevíns. Era a última xornada desta primeira fase, e en xogo estaba a cuarta praza do noso grupo. En fronte o equipo das E.D.O. ó cal venceramos na súa pista por 9 puntos. O partido comezou moi mal para os nosos intereses, con moitas imprecisións, perdas de balón e canastas sinxelas erradas, con todo isto o equipo rival conseguiu unha renda superior ós 20 puntos. Pero tralo descanso, ó inicio do cuarto periodo, todo cambiou, empezamos a defender, a mover o balón en ataque ata encontrar boas situacións de tiro, e pouco a pouco comezamos a reducir a desvantaxe. Faltáronos 2 min para poder remontar, pero sí conseguimos perder por tan só 7 puntos e conservar unha moi meritoria 4ª praza.

De seguido, tocáballe ó equipo Alevín Feminino, en fronte un durísimo rival, Carmelitas. É por se fose pouco , o noso equipo contaba ca baixa de Claudia,por lesión, e ca de Ana, por enfermidade. Así a todo e coma sempre, as nosas guerreiras empeñáronse en demostrar a súa casta, as súas gañas e ilusión, e pelexaron os 48 minutos sen descanso, fronte un rival que demostrou dende o inicio a súa superioridade. Pese a todo, por momentos conseguimos facer algún dos novos aspectos traballados durante a semán, polo que pese a abultada derrota e as baixas, o traballo que eu lle pedín foron capaces de levalo a cabo, polo que temos que estar moi contentos.

A próxima semán, as nosas rapazas disputarán o último partido desta segunda fase, na que nos xogamos o pase á Liga Galega, nun enfrontamento directo fronte o equipo do Pabellón, na súa pista do Otero Pedraio. No partido da primeira volta conseguimos unha renta de 25 puntos, que nos permitirá afrontar o choque con máis tranquilidade da prevista, pero sen esquecer a dificultade do partido e o que nos estamos a xogar.

A xornada remataba para os nosos equipos o domingo pola mañá. Madrugón, as 8 da mañá arrancamos,  e viaxe ó Barco de Valdeorras para os nosos benxamíns, para disputar un difícil encontro.

Non nos sentou demasiado ben a viaxe, xa que nos tres primeiros cuartos tan só conseguimos anotar un tiro libre, e fallamos moitísimos contraataques sós  e tiros moi cómodos. Despois do descanso, despertamos e espabilamos, e o partido xa foi outra cousa, aínda que xa sin opcións de victoria, o equipo comezou a xogar como acostuma, con velocidade, cun xogo dinámico e demostrando xogar coma un equipo, pese a non adestrar nunca como tal, xa que este equipo nunca adestran todos xuntos. 

Distribuir contido